
پووختەی هەواڵ:
خەڵاتی گرامی گەورەترین خەڵاتی موزیکییە لە جیهاندا
لیستی بەربژێرانی نوێی خەڵاتەکە بڵاوکراوەتەوە
خانمە گۆرانیبێژەکان لە لوتکەی ڕیزبەندییەکەدان
ڕەی خانمە گۆرانیبێژی بەریتانی یەکەمی ڕیزبەندییەکەیە بە 11 بەربژێر بوون
دیارترین ئەو گۆرانیبێژانەی لە لیستی ئەمساڵی گرامیدا بەربژێرن بۆ زۆرترین خەڵات:
ڕەی – 11 خەڵات
ڕۆزالیا – نۆ خەڵات
ئێلا لانگلی – حەوت خەڵات
دۆڵی پارتن – سێ خەڵات

ڕەی وەکو دیارترین خانمە گۆرانیبێژی ساڵ، جگە لەوەی بەربژێری زۆرترین خەڵاتە، لە سەرەکیترین پۆلەکانیشدا کێبڕکێی بردنەوە دەکات: باشترین ئەلبووم، باشترین تۆمار و باشترین گۆرانیی ساڵ.
گەرچی دۆڵی پارتن کۆچی دوایی کردووە، بەڵام بە غیابی، بەربژێری بردنەوەی سێ خەڵاتە: دوو گۆرانیی بەربژێرن و کتێبێکی دەنگییشی هەیە.
بۆ جارێکی دیکە مادۆنا بووەتەوە بە پرسی میدیاکان: لە پۆلە گەورەکاندا بەربژێر نییە و ئەلبوومە نوێیەکەی نەیتوانیوە کێبڕکێیەکی بەهێز بکات.
ئەوەی پێشهاتە، خستنەڕووی پێنج پۆلی نوێیە لە لیستەکەدا:
باشترین گۆرانیی لاتینی
باشترین نواندنی پۆپی ئاسیایی
باشترین دوێت یان هاوبەشیی R&B یان باشترین نواندنی دووانە یان گرووپ
باشترین دەنگی پۆپی نەریتی
باشترین ئەلبوومی فۆلکلۆری
بڕیارە ڕێکەوتی دووی شوباتی ساڵی داهاتوو، ڕێوڕەسمی دابەشکردنی خەڵاتەکان بەڕێوەبچێت.

