ڕۆبێرت پاتنسن؛ ڕوخسارە نوێیەکەی جەیمس بۆند

پووختەی بابەت:

  • حەوت ساڵە هەوادارانی جەیمس بۆند چاوەڕوانی ئاشکراکردنی ڕۆڵگێڕە نوێیەکەی 007 دەکەن

  • لەکۆتاییدا ڕۆبێرت پاتنسنی ئەکتەری ناسراوی بەریتانی وەکو ڕۆڵگێڕی جەیمس بۆندە نوێیەکە ئاشکرا کرا

  • توانای بەرزی پاتنسن وای کردووە بۆ ئەم ڕۆڵە دەستنیشان بکرێت


لەماوەی ڕابردوودا، بە شێوەیەکی فەرمی و لە چوارچێوەی ڤیدیۆیەکی 25 چرکەییدا، هەژمارە فەرمییەکانی جەیمس بۆند، هەڵبژاردنی ڕۆبێرت پاتنسنیان ئاشکرا کرد.


چاودێران دەڵێن: پاتنسن یەکێکە لە ئەکتەرە زۆر باش و کاریگەرەکان، جیاوازییەکەی لەگەڵ ڕۆڵگێڕەکانی پێشووی جەیمس بۆند ئەویە کە زۆر بەناوبانگە و زۆر بەتوانایە.

پاتنسن دەڵێت:

وەرگرتنی ڕۆڵی جەیمس بۆند، شەرەفمەندییە بۆ ژیانم.

بۆچی پاتنسن هەڵبژێردراوە؟

  • دێنیس ڤێڵینیووی دەرهێنەری بەشی داهاتووی جەیمس بۆند، هاوڕێیەتییەکی بەهێزی لەگەڵ پاتنسن هەیە

  • پێشووتر ڤێلێنیوو ئاماژەی بەوە دابوو کە پاتنسن دەتوانێت زۆر بەباشی ئەم ڕۆڵە بگێڕێت

  • ڕەچەڵەکە ڕەسەنەکەی بە بەریتانیا

بۆچوونی یەکێک لە ڕەخنەگرە جدییەکانی جەیمس بۆند، ئەیجەی چەدهێری:

پاتنسن کەسێکە کە دەتوانێت ڕۆحییەتی ڕاستەقینەی کارەکتەرەکەی ئیان فلێمینگ (نووسەری چیرۆکەکە) لەخۆیدا کۆبکاتەوە.. هەڵبژاردنی پاتنسن زۆر گرنگە بۆ پیشاندانەوەی جەیمس بۆند بۆ نەوەی داهاتوو.

LONDON, ENGLAND - OCTOBER 11: Robert Pattinson attends the

ئەوەی هێشتا ئاشکرا نەکراوە لەبارەی بەشە نوێیەکەی جەیمس بۆند:

  • ئەکتەرە پاڵپشت و لاوەکییەکان

  • وادەی بڵاوکردنەوەی فیلمەکە

  • موزیکدانەری فیلمەکە

  • ناوەڕۆکی چیرۆک و داهاتووی زنجیرەکە

چەند خاڵێکی سەرنجڕاکێش:

  • لە شەستەکانی سەدەی ڕابردووەوە تاوەکو ئێستا، حەوت ئەکتەر ڕۆڵی کارەکتەری جەیمس بۆندیان پێ دراوە

  • دوایین کارەکتەری جەیمس بۆند دانیەڵ کرەیگ ڕۆڵگێڕەکەی بوو

  • جەیمس بۆند یەکێکە لە هەستیارترین کارکتەرەکانی مێژووی سینەما

  • هەمووان ناتوانن ئەم ڕۆڵە وەربگرن

  • ئەوەندەی چانسی گەیشتن بە مانگت هەیە، ئەوەندە چانسی ڕۆڵگێڕانی جەیمس بۆندت نییە

  • جەیمس بۆند بریکارێکی خەیاڵیی نهێنییە لە سنووری دەزگای هەواڵگریی بەریتانییدا

  • بە کۆدی 007 دەناسرێتەوە و کار بۆ دەزگای MI6 دەکات

  • ئەرکی پاراستنی ئاسایشی بەریتانیایە

حەسەن فەلاح

Tue Nov 17 2026

Loading related news...