پووختەى هەواڵەکە

• لێکۆڵینەوەیەک؛ کورد لە ئەڵمانیا بەهۆی کوردبوونیان جیاکارییان بەرامبەر دەکرێت

• هۆکاری سەرەکیی ئەو دۆخەش، کوردبوونیان بووە.

  ---

لێکۆڵینەوەکە بە ناوی "کورد لە ئەڵمانیا" لە لایەن چنور قادری و دوو توێژەری دیکەوە ئامادەکراوە و ناوەڕاستی ئەم مانگە لەلایەن پلاتفۆرمی میدیەن دینست ئینتێگرەیشن بڵاوکراوەتەوە.

بەشی کردەیی توێژینەوەکە، کە ڕاپرسییەکە لە نێو ڕەوەندی کورد لە میونشن ئامادەکراوە :

• 86.7%ـی بەشداربووانی ڕاپرسییەکە لە ماوەی یەک ساڵدا، لانی کەم جارێک ڕەگەزپەرستییان بەرامبەر کراوە.

• 66.4%ـیان بە کەم تەماشا کراون.

• 64.4%ـیان بێڕێزییان پێکراوە.

• 50%ـیان پەراوێز خراون.

• 44.2%ـیان وشەی نەشیاویان بەرامبەر بەکارهێنراوە.

• 11.8%ـیشیان ڕووبەڕووی پەلاماردانی جەستەیی بوونەوەتەوە.

• 57.4%ـی بەشداربووانی ڕاپرسییەکە دەڵێن، تەنیا بەهۆی کوردبوونیانەوە، جیاکارییان بەرامبەر کراوە.

• 56.8%ـیشیان دیسانەوە جیاکارییەکە دەگەڕێننەوە بۆ لایەنە نەتەوەییەکەیان.

بە گوێرەی ڕاپۆرتێکی پلاتفۆرمی میدیەن دینست ئینتێگرەیشن، لە ئەڵمانیا نزیکەی ملیۆن و نیوێک کورد دەژین و بەشی زۆریشیان خەڵکی باکووری کوردستان و باشووری کوردستانن.

بە گوێرەی ئاماری فەرمانگەی کۆچ و پەنابەرانی ئەڵمانیا، لە ساڵی 2010ـەوە تاوەکو ناوەڕاستی ئەمساڵ، 656 هەزار و 245 هەزار کورد، داوای مافی پەنابەرییان کردووە و لەو ڕێژەیە مافی پاراستن بە 378 هەزار و 316 کەسیان دراوە.