
پووختەی بابەت:
لە دیارترین خانمە هونەرمەندەکانی لوبنان و جیهانی عەرەبییە
بە ئایکۆنی موزیکی عەرەبی ناسراوە
سیمبولێکی بەهێزی هاوچەرخبوونی لوبنانە
زیاتر لە هەزار و 500 بەرهەمی هەیە

نوهاد وەدیع حەداد، ناسراو بە فەیروز:
21ی تشرینی دووەمی 1935 لە لوبنان لەدایکبووە
لە منداڵییەوە خولیا و توانا موزیکییەکەی دەرکەوتوون
لە ڕادیۆی نیشتمانیی لوبنان کاری کردووە
پەیمانگەی هونەرەجوانەکانی خوێندووە
حەلیم ڕۆمی نازناوی فەیروزی پێ داوە
سەر بە نەوەی زێڕینی شانۆ و موزیکی لوبنانە
لە پەنجاکانی سەدەی ڕابردووەوە لەگەڵ برایانی ڕەحبانی ناوبانگی پەیداکردووە

ئەوەی فەیروز کردی و پێی دەناسرێتەوە: گۆڕینی موزیکی عەرەبی بوو لەڕێگەی تێکەڵکردنی شێوازە نەریتییەکان بە شێوازی هاوچەرخ و ئۆرکێستراوە، هاوکات کاریگەرییە ڕۆژئاواییەکانیشی هێنایە ناوەندەکەوە.
تاوەکو ئێستا زیاتر لە 80 ئەلبووم و هەزار و 500 گۆرانیی هەیە:
بە گۆرانیی (عیتاب) ناوبانگی پەیداکردووە
دیارترین گۆرانییەکانی: سألوني الناس، نسم علينا الهوى، كيفك إنت، سلملي عليه
لە سایەی کارە هونەرییەکانیدا و تاوەکو ئێستا، لەلایەن 16 دامەزراوە و کەسایەتیی جیهانییەوە مەدالیای شەرەفمەندی پێ دراوە، دوایینیان لەلایەن ئیمانوێل ماکرۆنی سەرۆکی فەڕەنساوە پێی درا.
