
پووختەی هەواڵ:
لە هونەرمەندە میللییەکانی ڕۆژهەڵاتی کوردستان بوو
گرنگییەکی زۆری بە هونەری فۆلکلۆریی داوە
لە ئاستی ناوخۆی بۆکان و ڕۆژهەڵاتی کوردستان ناوبانگی زۆر بووە
.webp)
کەناڵ8 زانیویەتی: قادر خوسرەوی ناسراو بە قادر غەریب، پاش ململانێ لەگەڵ نەخۆشی و هەڵچوونی تەمەن، لە بۆکان و لە تەمەنی 92 ساڵیدا کۆچی دوایی کردووە.
قادر غەریب:
لە بەیت و حەیراندا ناوبانگی هەبووە
25ی ئابی 1934 لەدایکبووە
ڕۆڵی گەورەی هەبووە لە پاراستنی کەلەپووری فۆلکلۆریی کوردی
دەنگێکی بەرزی حەیران بووە لە ڕۆژهەڵاتی کوردستان
بەگوێرەی زانیارییەکانی دامەزراوەی کولتوور و ڕێنمایی ئیسلامیی بۆکان: قادر غەریب، بە ڕێوڕەسمێکی شایستە و بە هاودەمیی هونەرمەند، شاعیر و کەسایەتییەکانی بۆکان، لە گوندی قەهرئاباد بەخاک سپێردراوە.
دامەزراوەکە، لە ڕاگەیێنراوێکی فەرمییدا، ڕۆڵی قار غەریب بەرز دەنرخێنێت و دەڵێت:
گەشتە موزیکییەکەی هاوشانی حەسەن زیرەک و ماملێ دەستپێکردووە و چەندین گۆرانیی گرنگ و دەوڵەمەندی پێشکەشی موزیکی کوردی کردووە.
.webp)