ئاژەڵدارێک: کێشەی خزمەتگوزارییەکانمان هەیە و کەس ئاوڕمان لێ ناداتەوە.
مەیدانی ئاژەڵ فرۆشانی بۆکان تەمەنی زیاتر لە نیو سەدەیە.
مەیدانی ئاژەڵفرۆشانی شاری بۆکانە لە پارێزگای ورمێی ڕۆژهەڵاتی کوردستان. ئاژەڵداران لە شارە جیاوازەکانی ڕۆژهەڵاتی کوردستانەوە هەموو ڕۆژانێکی شەممە دێنە ئێرە و ئاژەڵەکانیان ساخ دەکەنەوە.
نەبوونی شوێنی پشوودان.
کێشەی پاک و خاوێنی و کەمی خزمەتگوزارییەکان.
خراپی ڕێگاوبانەکان.
لە دیارترین کێشەی کڕیاران و فرۆشیارانی ئاژەڵن لە مەیدانەکە.
لێرە هەموو جۆرەکانی ئاژەڵ لەوانە مەڕ و بزن و ئاژەڵی گەورە و بە تایبەت ئاژەڵی نێر خواستی زۆری لەسەرە و نرخی ئاژەڵیش ڕۆژ بە ڕۆژ ڕووی لە بەرزبوونە، بە جۆرێک نرخی کیلۆیەک ئاژەڵی زیندووی بچووک هەشت سەد هەزار تمەنی تێپەڕاندووە، ئاژەڵدارانیش دەڵێن، بە جۆر و کێش و تەمەن و تەندروستیی ئاژەڵەکەش، نرخەکەی گۆڕانى بەسەردا دێت.
بازاڕەکە تەمەنی زیاتر لە نیو سەدەیە، ئێستا ڕۆڵێکی گرنگی لە بازرگانی و ئابووری و شاری بۆکان و ناوچەکانی دەورووبەریدا هەیە و بووەتە ناوەندێکی گەورە و گرنگی ساخبوونەوەی بەرهەمی ئاژەڵدارانی ڕۆژهەڵاتی کوردستان.
