قەتەر پێشنیازی نوێ بۆ کۆتاییهێنان بە جەنگ دەداتە ئێران
پووختەى هەواڵەکە
وڵاتانى ناوچەکە لە هەوڵى نێوەندگیریدان.
قەتەر هەوڵەکانى چڕکردووەتەوە لەپێناو کۆتاییهێنان بە جەنگى نێوان ئێران لەگەڵ ئەمریکا و ئیسرائیل.
بەپرسێکی ئێرانی: پێشنیازەکان مایەی قبوڵکردن نییە.
ئاژانسی ڕۆیتەرز بە پشتبەستن بە زانیاریی بەرپرسێکی ئاگادار لە دانوستانەکان، کە دەڵێت، کەسێکی ئێرانی نییە، ئاشکرایکردووە، ڕۆژی یەکشەممە ڕەشنووسی پێشنیازێکی نوێی ئاشتی پێشکەش کراوە و لە لایەن تارانەوە تاوتوێ دەکرێت، چاوەڕوانیش دەکرێت تاوەکو کۆتایی ئەم هەفتەیە تاران وەڵامی پێشنیازەکە بداتەوە.
ناوەڕۆکى پێشنیازەکە
پێشنیازەکە لەلایەن قەتەرەوە پێشکەشکراوە.
خشتەیەکی حەوت ڕۆژە لە خۆدەگرێت.
وەڵامی نیگەرانییەکانی تاران و واشنتن دەداتەوە.
خشتەکە ژمارەیەک هەنگاوی بونیادنانی متمانە لەلایەن هەردوولاوە لەخۆدەگرێت.
دەکرێت لە سەرەتای هەفتەی داهاتووەوە دەستپێبکات.
چەندین وڵات وەک گرەنتیکار لەوبارەیەوە کار دەکەن.
بەرپرسێکی ئێرانی بەشدار لە دانوستانەکان: قەتەر بیرۆکەی پەسەندنەکراوی داونەتێ نەک پێشنیازێکی فەرمی.
سیاسەتی تاران لە بارەی پرسی ئەتۆمی وەک خۆی ماوەتەوە و هیچ نەرمییەک لەوبارەیەوە نانوێنن.
لە کۆتایی مانگی ئەیلوولدا، ئێران پێشنیازێکی حەوت ڕۆژەی پێشکەش کرد و لەوبارەیەوە عەباس عێراقچی، وەزیری دەرەوە، ئاماژەی بەوەکرد، دەکرێت لەڕێگەی جێبەجێکردنی پێشنیازەکەوە گەرووی هوورمز بکرێتەوە، ئەگەر بێت و ژمارەیەک لە مەرجەکانی ئێران جێبەجێ بكرێن، بەڵام دۆناڵد ترەمپ، سەرۆکی ئەمریکا پێشنیازەکەی ڕەتکردەوە.
بەرپرسەکە باسی لەوەشکرد، ئەو ڕەشنووسەی یەکشەممە پێشکەشی تاران کراوە، جیاواز بووە لەو پێشنیازەی پێشتر و نێوەندگیرە قەتەرییەکان بەر لە چوونیان بۆ تاران بەشێوەیەکی هەمەلایەنە هەماهەنگییان لەگەڵ واشنتن کردووە.
زانیاریی زیاتر بۆ تۆ:
عێراقچی: هەر سەرکێشییەکى ئیسرائیل کاریگەریی لەسەر بازاڕەکانی وزە دەبێت
