پووختەى هەواڵ

• کۆڕبەندەکە بە ئامادەبوونی ژمارەیەکی زۆر لە سەرۆکی دەزگا هەواڵگرییەکان بەڕێوەدەچێت.

• وەزیرانی بەرگری و دەرەوە، ڕاوێژکارانی ئاسایشی نەتەوەیی زیاتر لە 50 وڵات بەشداربوون.

• کۆڕبەندەکە هاوکاتە لەگەڵ ئاڵۆزییەکانى ڕۆژهەڵاتى ناوەڕاست.

• لە کۆڕبەندەکەدا ئاسایشی ڕێڕەوە دەریاییەکان، بەرەنگاربوونەوەی هەڕەشە سایبەرییەکان تاوتوێ کران.

جەلال شێخ ناجی، سەرۆکی ئاژانسی پاراستن و زانیاری/ زانیاری، بەشداری لە کارەکانی خولی 22ـەمین “دیالۆگی مەنامە” (IISS Manama Dialogue) کرد کە لە شاری مەنامەی پایتەختی بەحرەین بەڕێوەدەچێت.

جەلال شێخ ناجی لە کۆڕبەندەکەدا چى کرد؟

لە میانی بەشدارییەکەیدا، سەرۆکی ئاژانسی پاراستن و زانیاری / زانیاری، چەندین دیدار و کۆبوونەوەی باڵای لەگەڵ سەرۆک، بەرپرسانی دەزگا ئەمنی و هەواڵگرییەکان وڵاتان کرد.

ئامانجی دیدارەکانى بەهێزکردنی هاریکارییە هەواڵگرییەکان، پاراستنی بەرژەوەندییە باڵاکان، دۆزینەوەی میکانیزمی هاوبەش بۆ ڕووبەڕووبوونەوەی ئاڵنگارییە ئەمنییەکان و سەقامگیریی ناوچەکە.

جەلال شێخ ناجی لە چوارچێوەى کۆڕبەندەکەدا:

• بەهێزکردن و بەردەوامی هاریکارییە هەواڵگری و ئەمنییەکان لەنێوان وڵاتاندا فاکتەرێکی بەهێز دەبێت بۆ پاراستنی ئاسایشی وڵاتان و ناوچەکە.

• ئەم قۆناغەی هاتووەتە پێش پێویستی بە هەماهەنگیی بەردەوام هەیە بۆ زاڵبوون بەسەر ئاڵنگارییە ئەمنییەکان.

• دامەزراوە ئەمنی و هەواڵگرییەکانی هەرێمى کوردستان و عێراق لە پەیوەندیی بەردەوامدان بۆ ڕووبەڕووبوونەوەی تیرۆر و مەترسییە ئەمنییەکان.

• بەرهەمی ئەم هەوڵانەش فاکتەرێکی بەهێزبوون بۆ پاراستنی ئاسایشی وڵاتەکەمان.

• دابینکردنی ئارامی و ئاسایش پرۆسەیەکی ورد و بەردەوامە و بەبێ هاوئاهەنگی هەمەلایەنەی نێودەوڵەتیی بەدینایەت.

• هەربۆیە بەرپرسیارێتی نیشتمانیی و پیشەیی هەمووانە، پابەند بە بەها باڵا و بەرژەوەندییە گشتییەکانمانەوە، کاربکەین بۆ بەدیهێنانی ئەم ئامانجە کە ئەویش پاراستنی ئاسایشی نەتەوەییمانە.

کۆڕبەند یان دیالۆگى مەنامە، بە یەکێک لە گرنگترین کۆڕبەندەکان دادەنرێت، ڕۆژى هەینى دەستیپێکرد و ئەمڕۆ یەکشەممە کۆتایى دێت، کۆربەندەکە 9 پانێڵى سەرەکى لەخۆگرتبوو، بەڕێوەچوونەکەشى لە کاتێکدایە ناوچەى ڕۆژهەڵاتى ناوەڕاست بە دۆخێکى ناهەموارى سەربازیى و ئەمنیدا تێدەپەڕێت، ئەوەش وایکردووە کۆڕبەندى ئەمساڵ بایەخى تایبەتى هەبێت.