کەشناسیی عێراق: باران بارین دەستپێدەکاتەوە
پووختەى هەواڵەکە
عێراق دەکەوێتەوە ژێر کاریگەرى دۆخى کەشى پایزەى باراناوییەوە.
کەشناسیی عێراق: ناجێگیریی کەشوهەوا چەند ڕۆژێک بەردەوام دەبێت.
کەشناسى عێراق: باران بە بڕی جیاواز دەبارێت.
دەستەی کەشناسیی عێراق لە ڕاگەیێنراوێکدا دەڵێت، گۆڕانکاریی لە دۆخی کەشوهەوا لە ئێوارەی سێشەممەوە دەستپێدەکات، سەرەتا ناوچەکانی خۆرئاوای عێراق دەگرێتەوە و بە نمەبارانی پچڕپچڕ دەستپێدەکات.
ڕاگەیێنراوى کەشناسى:
ئەو نمەبارانە لە ڕۆژی چوارشەممە و ڕۆژانی دواتر تەواوی عێراق دەگرێتەوە.
بڕی زۆری باران بارین هەرێمی کوردستان و ناوچەکانی دیکەی باکوور و ناوەڕاستی عێراق دەگرێتەوە.
هەندێک جار هەورە بروسکە و ترشیقەی لەگەڵدا دەبێت.
لە ڕۆژی شەممەی داهاتووەوە کاریگەرییەکانی کەشوهەوا کەمدەبێتەوە.
ئەگەری باران بارین لاواز دەبێت.
هۆشداری کەشناسى
کەشناسیی عێراق داوا دەکات خەڵک ئاگاداری هەورە بروسکە بن و لە ڕێڕەوی ئاو و دۆڵ و ناوچە نزمەکان دووربکەونەوە.
ئەوە لە کاتێکدایە، پێشتر یاسین ئەحمەد، سەرپەرشتیارى لیژنەی ئامادەکاری فێستیڤاڵی هەنار و پایزى هەڵەبجە بە کەناڵ8ـى ڕاگەیاند، ڕۆژى چوارشەممە، کە دەکاتە 28ـى تشرینى یەکەم، بۆ بەڕێوەچوونى فێستیڤاڵەکە دیاریکراوە، بەڵام ئەگەر کەشوهەوا لەبار نەبێت وادەکەى دەگۆڕن.
زانیاریی زیاتر بۆ تۆ:
فێستیڤاڵی هەنار و پایزى هەڵەبجە 28ـى مانگ دەستپێدەکات
فێستیڤاڵی هەناری هەڵەبجە؛ ڕێگاکانی چوون و گەڕانەوە دیاریکران
