پووختەى هەواڵ

• بازرگانان داواى درێژکردنەوەى وادەى لێخۆشبوونە گومرگییەکەیان کردووە.

• خواستێکى زۆر لەسەر ئەم جۆرە ئۆتۆمبێلە هەیە.

• ئەگەر لێخۆشبوونەکە درێژ نەکرێتەوە نرخەکەیان گرانتر دەبێت.

سبەى یەکشەممە یەکى تشرینى دووەم وادەى لێخۆشبوونى گومرگیى ئۆتۆمبێلى مایڵد هایبرێد کۆتایی دێت و تاوەکو ئەمڕۆ شەممە هیچ بڕیارێک بۆ درێژکردنەوەى لێخۆشبوونەکە نەدراوە.

قادر پیرۆت بەڕێوەبەرى گومرگى سلێمانى بۆ کەناڵ8:

• تاوەکو ئەمڕۆ هیچ نووسراوێکمان بۆ درێژکردنەوەى وادەى لێخۆشبوونى گومرگ بەدەست نەگەیشتووە.

• ئەگەر تاوەکو سبەى بڕیارى نوێ نەدرێت، ئەو جۆرە لە ئۆتۆمبێل هاوشێوەى ئۆتۆمبێلى تەواو سووتەمەنى گومرگ دەکرێن.

ئۆتۆمبێلى مایڵد هایبرێد

پاترییەکى گەورەى بۆ پاڵپشتى بزوێنەرەکە و کەمکردنەوەى فشار لەسەر بزوێنەر بۆ دانراوە، بەڵام ئۆتۆمبێلەکە بۆ کارکردن بەردەوام پێویستى بە بەنزینە.

گومرگى ئۆتۆمبێل 15%ـە، ئەگەر بڕیارى لێخۆشبوونەکە درێژنەکرێتەوە، ئۆتۆمبێلێکى 20 هەزار دۆلارى مایڵد هایبرد، سێ هەزار دۆلار گومرگ دەکرێت و بەمەش نرخەکەیان لە بازاڕ ڕاستەوخۆ لە 15% بەرزدەبێتەوە.

بەگوێرەى نوسراوێکى پێشترى بەڕێوەبەرایەتیى گشتیی گومرگى هەرێمى کوردستان، وادەى لێخۆشبوونى گومرگی لە ئۆتۆمبێلى مایڵد هایبرد لە 21ـى ئاب درێژکرایەوە بۆ 1ـى تشرینى دووەم.

زانیاریى زیاتر بۆ تۆ:

ماوەى لێخۆشبوونى گومرگى بۆ ئۆتۆمبێلی مایڵد هایبرید درێژکرایەوە

هەفتەى داهاتوو لێخۆشبوونى گومرگیی ئۆتۆمبێلى مایڵد هایبرد کۆتایی دێت