پووختەی هەواڵەکە

• دەرزییەکانی کێشدابەزاندن وەک: ئۆزەمپیک، ویگۆڤی، مۆنجارۆ و زیپبۆند مەترسیی تووشبوون بە نەخۆشیی NAION کە جۆرێکی دەگمەنی نەخۆشییەکانی چاوە زیاد دەکەن.

• دەرزی ئۆزەمپیک لە بنەڕەتدا بۆ چارەسەری شەکرەی جۆری دوو پەسەند کراوە.

ڕێکخراوی خۆراک و دەرمانی ئەمریکا هۆشیاری سەبارەت بە دەرزییەکانی کێشدابەزاندن بڵاو دەکاتەوە.

بۆچی ڕێکخراوی خۆراک و دەرمانی ئەمریکا دەستەواژەی مەترسیی نەخۆشییەکانی چاو بۆ سەر دەزرییەکانی کێشدابەزاندن زیاد دەکات؟

بە پێی ئەنجامەکانی توێژینەوەیەک کە لە ساڵی 2024 ـدا ئەنجام دراوە و لە گۆڤاری جاما بڵاو کراوەتەوە، دەرزییەکانی ئۆزەمپیک و ویگۆڤی بەهۆی بوونی پێکهاتەیەک تێیاندا مەترسیی تووشبوون بە نەخۆشییەکی دەگمەنی چاو کە پێیدەوترێت NAION زیاد دەکەن.

کێن ئەو کەسانەی نابێت دەرزییەکانی کێشدابەزاندن بەکار بهێنن؟

• خانمانی دووگیان

• ئەو خانمانەی شیری سروشتی خۆیان دەدەن بە منداڵەکانیان

• ئەو خانمانەی بەتەمانی دووگیانبوونن

کاریگەرییە نەخوازراوەکانی دەرزییەکانی کێشدابەزاندن

• دڵتێکهەڵاتن

• قەبزی

• سکچوون

• ئازاری گەدە

• لە هەندێک حاڵەتدا خێرابوونی لێدانی دڵ و بەرزبوونەوەی فشاری خوێن

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن.

بەکارهێنەرانی دەرزییەکانی کێشدابەزاندن ئاگاداری ئەم مەترسییە بن | CHANNEL8