پووختەى هەواڵەکە:

• یەکەمجارە قالیباف و موجتەبا کۆدەبنەوە، بەڵام هیچ وێنە و دیمەنێکى کۆبوونەوەکە بڵاونەکراوەتەوە.

• موجتەبا خامنەیى لەو کاتەوەى بووەتە ڕێبەرى نوێى ئێران دەرنەکەوتووە.

• لە جەنگى ئێراندا قالیباف وەک کەسایەتییەکى کاریگەرى وڵاتەکە ڕۆڵ دەبینێت.

میدیایی ئێرانی بڵاویکردەوە، محەممەد باقر قالیباف، سەرۆکی پەرلەمان و سەرۆکی تیمی دانوستانکاری ئێران لەگەڵ موجتەبا خامنەیی، ڕێبەری باڵا کۆبووەتەوە.

ناوەڕۆکى کۆبوونەوەکە بەگوێرەى میدیاى ئێران:

• دوایین پێشهاتەکانی جەنگ و دۆخی ئابووری، بەهێزکردنی پێکهاتەی دەسەڵاتی وڵات تاوتوێ کراون.

• ڕۆڵی پەرلەمان لە پارێزگاری لە یەکگرتووی و یەکڕیزی کۆمەڵایەتی تاوتوێ کراوە.

• بژێوی خەڵک و پێشخستنی بابەتە پەیوەندیدارەکان بۆ چارەسەر و تێپەڕاندنی قەیرانە ئابوورییەکان گفتوگۆیان لەبارەوە کراوە.

• قالیباف، بەرنامە، پڕۆژەی پەرلەمان و ئامادەکارییەکان لە ئەگەری هەر پێشهاتێکی نوێی جەنگى پێشکەش بە ڕێبەری ئێران کردووە.

ڕێبەر دەرنەکەوتووە

لە دوای دەستبەکاربوونی وەک ڕێبەری باڵای ئێران تاوەکو ئێستا هیچ وێنە، ڤیدیۆ و تۆمارێکی دەنگی موجتەبا بڵاونەکراوەتەوە، زیاتر پەیامەکانی بەشێوەی نووسراو بڵاودەکرێنەوە.

پێشتریش بانگەشەى ئەوەى کراوە لەگەڵ پزیشکیان کۆبووەتەوە، بەڵام هیچ وێنە یاخود ڤیدیۆییەک بڵاونەکرایەوە.

زانیاریى زیاتر بۆ تۆ:

فاینەنشیاڵ تایمز: ترەمپ ڕێگریی لە هێرشێکی گەورەی ئیسرائیل بۆ سەر ئێران کردووە