پووختەى هەواڵەکە

• زانیاریى نوێ لەسەر بەشداریکردنى کوڕەکەى کاکە حەمە بۆ کاراکردنەوەى پەرلەمان.

• وەزارەتى کاروبارى شەهیدان و ئەنفالکراوان دەدرێت بە کوڕەکەى محەممەدى حاجى مەحموود.

  ---

بە گوێرەى زانیارییەکان کە لە پارتى سۆسیالیست دیموکراتى کوردستان دەست کەناڵ8 کەوتووە، پارتى دیموکراتى کوردستان، بەڵێنى بە محەممەد حاجى مەحموود، سەرۆکى پارتى سۆسیالیست داوە، وەزارەتى کاروبارى شەهیدان و ئەنفالکراوان بدات بە ڕێبین محەممەد مەحموودى کوڕی، تاوەکو بەشدارى کاراکردنەوەى پەرلەمان بکات.

پشتڕاستکردنەوەى زانیارییەکان:

• بەڵێنى پۆستى وەزارەتى کاروبارى شەهیدان و ئەنفالکراوان لە ئاستى باڵاى پارتى ڕاستەوخۆ دراوە بە کاکە حەمە.

بۆ هەڵبژاردنى خولى شەشەمى پەرلەمانى کوردستان:

• هەریەک لە پارتى سۆسیالیست و حیزبی شیوعى و زەحمەتکێشان هاوپەیمانییەکیان پێکهێنا.

• کورسییەکى پەرلەمانیان مسۆگەر کرد و ڕێبین محەممەد مەحموود بوو بە پەرلەمانتار.

بە گوێرەى زانیارییەکان، ڕێککەوتنێکى نوێ لە نێوان محەممەد حاجى مەحموود، سکرتێرى پارتى سۆسیالیست و کاوە مەحموود، سکرتێرى پێشووى حیزبى شیوعى واژۆ کراوە، بە گوێرەى ڕێککەوتنەکە، پارتى سۆشیالیست بەشداریى حکومەت دەکات و کەسێک لە حیزبى شیوعى دەبێت بە پەرلەمانتار.

بە گوێرەى ئەنجامەکانیش، پاش ڕێبین محەممەد، عوسمان زیندانى دەنگى دووەمى لیستەکەیە و دەچێتە شوێنى پەرلەمانتارەکەى سۆسیالیست.