عەلی زەیدی: حکومەت پابەندە بە دابینکردنی مووچەی فەرمانبەرانی هەرێمی کوردستان
پووختەی هەواڵەکە
عەلی زەیدی ڕایگەیاند، حکومەتی فیدڕاڵی پابەندە بە دابینکردنی مووچەی فەرمانبەرانی هەرێمی کوردستان
عەلی زەیدی دەشڵێت، کاردەکەین بۆ گەشەپێدانی ئابووریییەکی پێشکەوتوو بۆ عێراق.
سەرۆکوەزیرانی عێراق له دیدارێکدا لەگەڵ فراکسیۆنی پارتی دیموکراتی کوردستان، گفتوگۆی لەبارەی پرسەکانی خزمەتگوزارییەکان، پەیوەندییەکانی نێوان حکومەتی فیدراڵ و حکومەتی هەرێمی کوردستان، پڕۆژەیاسای بودجەی کرد.
عەلی فالح زەیدی، سەرۆکوەزیرانی عێراق:
حکومەت لە مانگەکانی ڕابردوودا توانیویەتی ڕووبەڕووی چەندین ئاڵنگاریی گەورە ببێتەوە.
بەردەوام دەبین لە هەوڵەکانمان بۆ دژایەتیکردنی گەندەڵی، ڕاوەدوونانی تێوەگلاوان و وشککردنی سەرچاوەکانیان.
چارەسەرکردنی دۆسییە ئابوورییەکان لە ڕێگەی پەرەپێدان و چالاککردنی داهاتە نەوتییەکان دەبێت.
پلانێکی گەورە داڕێژراوە بۆ زیادکردنی بەرهەمهێنانی نەوت بە ئامانجی بەهێزکردنی سەرچاوەکانی دەوڵەت و پاڵپشتیکردنی پڕۆسەی گەشەپێدان.
عەلی فالح زەیدی داوای لە ئەندامانی ئەنجوومەنی نوێنەرانی عێراق کرد کە ڕۆڵی یاسادانان و چاودێریی خۆیان بە شێوەیەکی کاریگەر بگێڕن و بەشدار بن لە پەسەندکردنی ئەو یاسا گرنگ و بنەڕەتییانەی کە وڵات پێویستی پێیەتی.
