پووختەى هەواڵەکە

• یەکێتى نیشتمانیی کوردستان لە بارەى کاراکردنەوەى پەرلەمان ڕاگەیێنراوێکى بڵاوکردەوە.

• یەکێتى: کۆبوونەوەکەى سبەى هەوڵێکە بۆ سەپاندنى فەرزى ئیرادەى لایەنێک.

• یەکێتى: بەشدارى کۆبوونەوەکە ناکەین.

  ---

یەکێتیی نیشتمانى کوردستان، لە بارەى کۆبوونەوەى پەرلەمانى کوردستان، ڕاگەیێنراوێکى بڵاوکردەوە و تیایدا، ئاشکرایکردووە، هاونیشتمانییانى هەرێمی کوردستان ئاگادارن، کە سبەی چوارشەممە، 4ـى تشرینى دووەمى 2026، دەنگۆی بە نایاسایی کۆبوونەوەی پەرلەمانی کوردستان هەیە.

ناوەڕۆکى ڕاگەیێنراوەکە:

• ئێمە لە باوەڕی قوڵمان بە بنەماکانی سەروەری یاسا و سازانی نیشتیمانی.

• باوەڕمان وایە ئەم کۆبوونەوەیە، نا یاساییە.

• دوورە لە بنەماکانی شەراکەتی ڕاستەقینە.

• هەوڵێکە بۆ سەپاندنی فەرزی ئیرادەی لایەنێک.

• هاونیشتمانییان و تەواوی هێزە سیاسییەکان ئاگادار دەکەینەوە، کە ئێمە وێڕای بەشداریی نەکردنمان.

• ڕوو دەکەینە هەر دڵسۆز و هێزێکی نیشتیمانی، کە خەمی قەوارەی هەرێمی کوردستانییەتی، بەشداریی نەکات.

• بە دڵنیاییەوە کاتێک دانیشتنی پەرلەمان سەنگی دەبێت، کە سازانی نیشتمانی لەسەر بێت.

• هەموو لایەنە هەڵبژێردراوەکان بە ئیرادەی ئازاد و دیموکراسییانە بەشداریی تێدابکەن.

• چونکە ئەگەر بنەمای دیموکراسی ئەوەبێت، کە بەکڕین و هەڕەشە و فشاری دەروونی کاریگەری بخرێتە سەر بڕیارەکانی پەرلەمانتاران.

• ئەوە لەو چوارچێوە کارتۆنییەدا، دان بە هیچ پەرلەمان و حکومەتێک نانێین، کە دەرئەنجامی ئەو جۆرە کۆبوونەوانە بێت.

زانیاریی زیاتر بۆ تۆ:

فراکسیۆنی پارتی داوای تەواوکردنی یەکەم دانیشتنی خولی شەشەمی پەرلەمان دەکات

پەرلەمانێک کە پارتی تیایدا باڵادەست نەبێ؛ شەرعییەتی لە دەستداوە!!!

سەرۆکى دیوانى پەرلەمانى کوردستان: بانگەوازی کۆبوونەوەی پەرلەمان هیچ پەیوەندى بە ئێمەوە نییە