فەرمانى دەستگیرکردن بۆ محەممەد حاجى مەحمود دەرچوو
پووختەى هەواڵەکە
فەرمانەکە لە 2ـى مانگى ڕابردوو دەرچووە.
فەرمانەکە لەسەر کێشەى زێدەڕۆیی شارەوانییە.
دادگاى چەمچەماڵ فەرمانەکەى دەرکردووە.
زانیارییەک گەیشتووە بە کەناڵ8، کە نووسراوێکى دادگاى چەمچەماڵە و ئاڕاستەى سەرجەم ئەندامانى بەرزەفتى دادوەرى و گشت ئەندامانى هێزەکانى پۆلیسى کردووە و تیایدا داواى دەستگیرکردنى محەممەدى حاجى مەحمود، سکرتێرى حیزبى سۆسیال دیموکراتى کوردستان دەکات.
ناوەڕۆکى فەرمانەکە و چیرۆکى پشت سکاڵاکە:
چەند جارێك بەرپرسانی پارتی سۆسیال دیموكراتی كوردستان لە شارەدێی تەكیە ئاگاداركراونەتەوە.
دوو بارەگایان هەیە لەسەر زەوی شارەوانییە.
بە زیادەرەوی دروستكراون لایبەرن.
ئامادە نەبوون ئەو كارە بكەن.
هەربۆیە دوو ساڵ پێش ئێستا بەرپرسی رێكخستنی ئەو حزبە لە تەكیە دەستگیركرا.
دواتر بە كەفالەت ئازادكرا.
پاشان لە لایەن شارەوانی تەكیەوە سكاڵا لەسەر محەمەدی حاجی مەحمود سەرۆكی حیزبەکە جوڵێندرا.
پاش ئەوەی چەند جار ئاگاداركردنەوەی دادگای بۆ چووە.
بەڵام ئامادەی بەردەم دادگا نەبووە.
لەبەر ئەوە لە ڕۆژی 4ـى تشرینى یەکەمى 2026، بڕیاری دەستگیركردنی بۆ دەرچووە.
بەڵگەى نووسراوى دادگاى لێکۆڵینەوەى چەمچەماڵ هاوپێچە:
