
. بۆکا جونیۆرز بە بردنەوە لە ئەتلەتیکۆ مینێیرۆ کۆپا سود ئەمێریکانای بەدەستهێنا.
. بۆکا بووە خاوەنی 3 نازناو و بە تەنیا پێشەنگی مێژوویی پاڵەوانێتییەکەی گرت.
. سانتیاگۆ ئاسکاسیبار و میگێل مێرێنتیێل دوو گۆڵەکەی یارییەکەیان تۆمارکرد.
. ئەتلەتیکۆ مینێیرۆ بۆ سێیەم ساڵی لەسەریەک یاری کۆتایی کیشوەری دۆڕاند.
بۆکا جونیۆرزی ئەرجەنتینی بۆ سێیەمجار لە مێژوویدا بووە پاڵەوانی کۆپا سود ئەمێریکانا، دوای ئەوەی لە کاتژمێرەکانی بەرەبەیانی ئەمڕۆ لە یاری کۆتاییدا بە ئەنجامی 2-0 لە ئەتلەتیکۆ مینێیرۆی بەرازیلی بردەوە.
لە یارییەکەدا کە لە بارانکیای کۆڵۆمبیا بەڕێوەچوو، سانتیاگۆ ئاسکاسیبار لە خولەکی 16 و میگێل مێرێنتیێل لە خولەکی 48 گۆڵەکانیان تۆمارکرد. دوای نازناوەکانی 2004 و 2005، بۆکا بە تەنیا بووە خاوەنی زۆرترین نازناوی پاڵەوانێتییەکە. هەروەها ئەمە دووەم نازناوی یانەکەیە لەم مانگەدا، پاش بردنەوەی پێشەنگی ڕیزبەندی ساڵانەی خولی ئەرجەنتینی 2026 لە 8ی ئەم مانگەدا.
لە بەرامبەردا، ئەتلەتیکۆ مینێیرۆ بۆ سێیەم ساڵی لەسەریەک یاری کۆتایی کیشوەری دۆڕاند، دوای دۆڕانەکانی بەرامبەر بۆتافۆگۆ لە لیبەرتادۆرێسی 2024 و لانوس لە سود ئەمێریکانای 2025.