پووختەى هەواڵەکە

• قایمقامیەتی هەڵەبجە کار و چالاکییەکانی مانگی تشرینی یەکەمی ڕاگەیاند.

• مانگی ڕابردوو هەزار و 347 بەسەرکردنەوەیان ئەنجامداوە.

• 46 شوێن سزای دارایی دراون.

  ---

قایمقامییەتی هەڵەبجە، دەشڵێت، لە ڕێگەی 14 لیژنەی هەمیشەیی و گشتییەوە پشکنین و بە دواداچوونیان بە مەبەستی چاودێریکردنی بازاڕ و پاراستنی تەندروستیی گشتی ئەنجامداوە.

بە بڕیارى لیژنەکانى قایمقامییەت

• 46 شوێن سزای دارایی دراون و شوێنێکیش داخراوە.

• 60 کیلۆگرام گۆشت و مریشکی ناتەندروستیش دەستی بەسەرداگیراوە.

• دەست بەسەر بڕێک لە خۆراکی خراپبوو و کەلوپەلی بەسەرچوودا گیراوە.

• 340 کیلۆگرام خۆراکی بەسەرچوو و 500 دانە لە کەلوپەل و کەرەستەی بەسەرچوو دەستی بەسەردا گیراوە.

• دەستگیراوە بەسەر 60 کیلۆگرام لە گۆشت و مریشکی ناتەندروست.

قائیمقامیەتی قەزای مەڵبەندی هەڵەبجە دەستخۆشی و سوپاسی بێپایانی خۆی ئاڕاستەی سەرجەم ئەندامانی لیژنەکان، هێزەکانی ئاسایش و پۆلیس، تیمەکانی تەندروستی و بازگەی زەمەقی دەکات. هەروەها سوپاسی سەرجەم ئەو کاسبکارە بەڕێزانە دەکەن کە هاوکار و هەماهەنگیانن.

​ڕاشیگەیاندووە، دڵنیاتان دەکەینەوە کار و هەوڵەکانمان لە پێناو پاراستنی تەندروستی و بەرژەوەندیی گشتیی هاونیشتمانییانى ئازیزدا بەردەوام دەبێت.

زانیاریی زیاتر بۆ تۆ:

لە فێستیڤاڵی هەناری هەڵەبجە بەکارهێنانى مەنجەڵی فافۆن و لیمەندۆزی قەدەغەکران