هاتوچۆی سلێمانی: لە 8ـی مانگەوە کامێراکانی ڕێگای دەربەندیخان – کەلار دەکەونەکار
پووختەی هەواڵەکە
بەڕێوەبەری هاتوچۆی گەرمیان ڕایگەیاند، لە هەر سایدێکی ڕێگەی دەربەندیخان – کەلار 14 کامێرا دانراوە,
عەقید سامان عەلی دەشڵێت، بەدرێژایی ڕێگەکە کە 60 کیلۆمەترە 28 کامێرا دانراوە و لە 8ی مانگەوە دەکەونەکار.
هاتوچۆی سلێمانی ئاگادارییەکی سەبارەت بە کەوتنە کاری کامێراکانی ڕێگای دەربەندیخان – کەلار بڵاوکردووەتەوە و دەڵێت، لە هەفتەی داهاتووەوە کامێراکانی تۆمارکردنی تیژڕەوی لەو ڕێگەیە دەکەوێتەکار.
کامێراکان دەکەونەکار
لە ڕۆژی 8ـی تشرینی یەکەمەوە واتە یەکشەممەی داهاتوو لەکاتژمێری 10ـی بەیانی، کامێراکانی تۆمارکردنی تیژڕەوی بە سیستەمی خاڵ بۆ خاڵ لەسەر ڕێگاکانی نێوان (دەربەندیخان – کەلار) دەکەوێتەکار.
سامان عەلی، بەڕێوەبەری هاتوچۆی گەرمیان بە کەناڵ8ـی ڕاگەیاند، کامێراکان بەهەردوو ئاڕاستەکەوە دەکەونەکار و سەرپێچی تیژڕەویی تۆمار دەکەن.
لە هەر سایدێک 14 کامێرا دانراوە و بەکۆی ڕێگەکە کە بە درێژایی زیاتر لە 60 کیلۆمترە، 28 کامێرای تۆمارکردنی تیژڕەوی دانراوە .
خێرایی ڕێگە پێدراویش 100 کیلۆمەترە لە کاتژمێرێکدا.
دووسایدکردنى ڕێگەى کەلار- دەربەندیخان کە بەشێکە لە ڕۆژەی دووسیادی سلێمانى - گەرمیان. ڕێگەکە بەڕێگەیەکى ستراتیجى سنوورى پارێزگاى سلێمانى دادەنرێت و سەڕەراى بەستنەوەى سلێمانى بە ئیدارەى گەرمیان، هاوکات گەشتیارانى سنوورى پارێزگاى دیالە و دەروازەى پەروێزخان بۆ گەیشتنیان بە سلێمانى سوودى لێدەبینن.
