بانکی یو بی ئێس: ئۆنسەیەک زێر لە ساڵی داهاتوودا دەگاتە پێنج هەزار دۆلار.
نرخی یەک لیرەی ڕەشادی چاپی دوبەی840 دۆلارە.
فرۆشیارێکی زێڕ: کیلۆیەک زێڕ نزیکەی هەشت هەزار دۆلاری لێکەمبووەتەوە.
فرۆشیارێکی زێڕ: بەهای دینار کاریگەریی کردووەتە سەر بازاڕی زێڕ.
گوتەبێژی بازاڕی دراوی سلێمانی: ئێستا کاتی کڕینی زێڕ و زیوە.
لە بازاڕەکانی ناوخۆ بەهای دینار کاریگەریی کردووەتە سەر بازاڕی زێڕ.
شاشەی بۆڕسەی جیهانیی ئەمجارە هەواڵێکی چاوەڕواننەکراوی بۆ بازاڕی کانزا گرانبەهاکان پێبوو زێڕ و زیو، تووشی دابەزینێکی بەرچاوی نرخ بوون، ئەم دابەزینە خێرا سنوورەکانی بڕی و ڕاستەوخۆ تابلۆی مامەڵەی کڕین و فرۆشتنی لە بازاڕەکانی هەرێمی کوردستان گۆڕى.
هەڵکشانی نرخی نەوت.
ئەگەری سەرهەڵدانەوەی گرژی و ئاڵۆزییەکانی ناوچەکە.
هێرشە ئەلیکترۆنییەکەی سەر سەکۆی باینانس.
بوونەتە سێکوچکەی فشار و نرخی زێڕ و زیویان بەرەو خوارەوە پاڵناوە.
لە یاسای بازاڕدا، دابەزینی نرخ هەمیشە زەنگی زیادبوونی خواست و جموجۆڵی کڕیارانە.
لە بازاڕەکانی هەرێمی کوردستان دیمەنەکە پێچەوانەیە.
هەرچەندە زێڕ بە شێوەیەکی بەرچاو هەرزان بووە.
کەچی بازاڕ سستتر و بێدەنگتر دەردەکەوێت.
دابەزینی بەهای دیناری عێراقی بەرامبەر بە دۆلاری ئەمریکی.
ڕێگرە لەوەی کڕیارانی ناوخۆ سوود لەم داشکانە جیهانییەی زێڕ وەربگرن.
لە زمانی بازرگانیدا، کاتێک نرخەکان دادەبەزن، باشترین کاتژمێرە بۆ کڕین و چاندنی تۆوی قازانج بۆ داهاتوو
بەڵام بە گوتەی پسپۆرانی بوارەکە، لە بازاڕێکی پڕ لە گۆڕانکاریی خێرا و ناڕووندا، مامەڵەکردن لەگەڵ زێڕ و زیو پێویستی بە وریاییەکی زۆر هەیە.
لە نێوان هاوکێشە ئاڵۆزەکانی بۆڕسەی جیهانی و ناجێگیریی بەهای دینار لە ناوخۆدا، بازاڕی زێڕ و زیو لە هەرێمی کوردستان لە دۆخێکی چاوەڕوانیدایە، لەم دۆخەدا کڕیاران بە وریاییەوە هەنگاوەکانی داهاتووی بازاڕ دەخوێننەوە.
نرخى زێڕ لە بازاڕەکانى هەرێمى کوردستان:
زێڕى عەیار 24: 1.077.000 دینار.
زێڕى عەیار 21: 943.000 دینار
زێڕى عەیار: 18 808.000 دینار
1 لیرەى ڕەشادى چاپى دوبەى: 840$
