پووختەى هەواڵەکە:

• لەم مانگەدا هەڵمەتێکی فراوانی بۆ نەهێشتنی دیاردەی سواڵکردن دەستپێکرد.

• هەڵمەتەکەى کاردانەوەى فراوانى لێکەوتەوە و وەزارەتى ناوخۆ بانگێشتى کرد.

• دیاردەى سواڵکردن بە منداڵان لە کەرکووک زۆرە.

کەناڵ8 زانیاریى ئەوەى دەستکەوت، عەقید عامر شوانی، گوتەبێژى پۆلیسی کەرکووک بەهۆی هەڵمەتی نەهێشتنی دیارەی سواڵکردن بانگێشتی وەزارەتی ناوخۆی عێراق کرا و لە ئێستادا ڕاگیراوە.

عەقید عامر شوانی چى کردووە؟

• هەڵمەتێکى بۆ نەهێشتنی دیاردەی سواڵکردن و جێبەجێکردنی یاسا بۆ نەهێشتنی ئەو دیاردەیە دەستپێکرد بوو.

• پێشتر ئەنجوومەنی پارێزگا بە فەرمی داوای نەهێشتنی دیاردەی سواڵکردنى کرد بەتایبەت لەنێو منداڵان.

• لە هەڵمەتەکەدا، لێکۆڵینەوە لە مێردمنداڵێک دەکات کە لەنێو بازاڕ بەدیدەکات و گرتە ڤیدیۆییەکەی بڵاودەبێتەوە.

• چالاکوان، چین و توێژەکانی نەتەوەکانی دیکە لە تۆڕە کۆمەڵایەتییەکان کاردانەوەیان بۆ ئەمە هەبوو.

• بەم هۆیەوە لەلایەن وەزارەتی ناوخۆی عێراقەوە، بۆ ڕوونکردنەوە بانگێشتى بەغداد کرا.

دیاردەی سواڵکردن لەنێو بازاڕەکانی کەرکووک، نیگەرانی خەڵکی لێکەوتوەتەوە و چەندینجار ئیدارە و ئەنجوومەنی پارێزگا داوای نەهێشتنیان کردووە.

عەقید عامر شوانى، لە مانگى تەمموزى 2025ـەوە وەک گوتەبێژ و بەڕێوەبەرى پەیوەندییەکانى پۆلیسى کەرکووک دەستبەکار بووە.