پووختەى هەواڵەکە:

• گەشەکردن و فراوانبوونى شارى سلێمانى بەردەوامە.

• بەشێک لە گوندەکانى قەراغى شار لەگەڵ گەڕەکەکان تێکەڵاوبوون.

• شارەوانى خانووى گەڕەکە تازەکان تاپۆ دەکات و خزمەتگوزارییان پێدەگەیێنێت.

پەیامنێرى کەناڵ8 ڕاپۆرتێکى لەسەر ئەوە کرد، کە لەسەر نەخشەی نوێی ماستەرپلانی شاری سلێمانی، چیتر تووەسپی، فەیاڵ و کانی حەمە، کانی پیرە و قوڵقوڵە، تەنیا وەکو گوندی نزیک لە شار نامێننەوە بەڵکو وەکو پێنج گەڕەکی نوێی شارەکە هەژمار دەکرێن.

دانیشتووانى گوندەکان:

• چاوەڕوانین لەگەڵ گۆڕینی ناونیشانەکەمان لە گوندەوە بۆ گەڕەک دەستی خزمەتگوزارییمان پێبگات.

ڕێکارە کارگێڕییەکان:

• بەڕێوەبەرایەتیی نەخشەدانانی سلێمانی دەستی بەکار کردووە تاوەکو نەخشەیەکی نوێ بۆ ئەو پێنج گەڕەکە نوێیە ئامادە بکات.

• لەسەر نەخشە شوێنی شەقامەکان، سەوزایی و خوێندنگە و ناوەندە خزمەتگوزارییەکان دیاری دەکرێن.

شارەوانیى سلێمانى چییان بۆ دەکات؟

• لەیلا عومەر، سەرۆکی شارەوانیی سلێمانی: وەکو هەنگاوی سەرەتا خانووەکانی تووە سپی و چوار گەڕەکە نوێیەکە تاپۆ دەکەین.

• لەیلا عومەر، سەرۆکی شارەوانیی سلێمانی: دواتر قۆناغ بە قۆناغ خزمەتگوزارییەکانی شەقام و ئاو و ئاوەڕۆ و سیمایەکی نوێی شارییان پێدەبەخشین.

تووە سپی و چوار گوندەکەی دیکە چیدی دەروازەی دەرەوەی سلێمانی نین، بەڵکو بەشێکن لە ناوجەرگەی ماستەرپلانە نوێیەکەی شارەکە، ئەوەی ئێستا خەڵکی ئەم ناوچانە چاوەڕێی دەکەن، خێرایی هەنگاوەکانی شارەوانییە بۆ تاپۆکردنی خانووەکانیان و جێبەجێکردنی پرۆژەی خزمەتگوزاریی.

زانیاریى زیاتر بۆ تۆ:

لە سلێمانى قۆناغى نوێى دابەشکردنى زەوى لە دۆڵەڕووت دەبێت