ڕێباز حەملان ڕایگەیاند، مووچەى ساڵى 2027ـى مووچەخۆران گرەنتیکراوە.
ڕێباز حەملان دەشڵێت، مووچەى مانگى 11 و 12ـى ئەمساڵیش گرەنتیکراوە.
ڕێباز حەملان: لەسەر دۆسیەى نەوت و داهاتى نانەوتیی گفتوگۆ لەنێوان هەولێر و بەغداد هەیە.
ڕێباز حەملان، وەزیرى ئاوەدانکردنەوە و نیشتەجێکردن لە حکومەتى عێراق ، ڕایگەیاند، مەسروور بارزانى لە کۆتا سەردانیدا لەگەڵ عەلى زەیدى سەرۆکوەزیرانى عێراق گفتوگۆى کردووە و لەسەر دۆسیەى نەوت و داهاتى نانەوتییش گفتوگۆی بەردەوام هەیە.
ڕێباز حەملان ئەوەشى خستەڕوو، تاوەکو ئێستا ڕەشنووسى پڕۆژە بودجەى 2027ـى عێراق نەهاتووەتە ئەنجوومەنى وەزیران، تاوەکو پەسەند بکرێت.
ڕێباز حەملان، لەبارەى کێشەکانى هەرێمى کوردستانیشەوە دەڵێت:
هەر کێشەیەکمان هەیە، پێویستە لە ناوخۆى هەرێمى کوردستان گفتوگۆى لەسەر بکرێت.
پەرلەمانى کوردستان موڵکى هەموو کوردستانە و موڵکى یەک حیزب نییە.
بەغداد مامەڵە لەگەڵ حکومەتى هەرێمى کوردستان و دامەزراوە شەرعییەکان دەکەن.
هیوادارم بەم دانیشتنانەى نێوان پارتى یەکێتی، دانیشتنى لوتکەی بەدوادا بێت و بەمزووانە کابینەى دەیەمى حکومەتى هەرێمى کوردستان پێکبهێنرێت.

