مەسعود بارزانی و فالح فەیاز کۆبوونەوە؛ پرسی قاچاخچێتیی و پەیوەندییەکانی هەولێر و بەغداد تاوتوێ کران

پووختەی هەواڵەکە

  • مەسعود بارزانى و فالح فەیاز کۆبوونەوە.

  • فالح فەیاز پەیامى عەلى زەیدى لەبارەى بەقاچاخبردنى نەوت دەگەیەنێتە بارزانى.


ئەمڕۆ فالح فەیاز، سەرۆکى دەستەى حەشدى شەعبى، سەردانى مەسعود بارزانى کرد، سەردانەکە دواى ڕۆژێک دێت لە چوونى هێزەکانى عێراق بۆ ناوچەى جورفولسەخر، بەگوێرەى ئەو زانیارییانەى دەست کەناڵ8 کەوتوون، فەیاز و بارزانى، جگە لە تاوتوێکردنى کێشەکانى نێوان حکومەتى فیدراڵ و هەرێمى کوردستان، چەند پرسێکى جێى بایەخى هاوبەشیان تاوتوێکردووە، بەتایبەت ئەو هەڵمەتە فراوانەى عەلى زەیدى دەستیپێکردووە بۆ کۆتاییهێنان بە پرۆسەى بەقاچاخبردنى نەوت لە تەواوى عێراق.


کۆبوونەکە لەسەر چی بووە ؟

  • فەیاز لە کۆبوونەوەکەیدا لەگەڵ بارزانى، کە هۆشیار زێباری و فوئاد حسێن-یش ئامادەی بوون، پەیامى عەلى زەیدى بە مەسعود بارزانی گەیاندووە، لەبارەى کۆتاییهێنان بە پرۆسەى بەقاچاخبردنى نەوت لە هەرێمى کوردستانەوە بۆ تورکیا و ئێران.

  • زەیدى لیژنەیەکى باڵاى بۆ بەقاچاخبردنى نەوت لە هەرێمى کوردستان و ناوچەکانى دیکە پێکهێناوە.

  • دەیەوێت بە هەماهەنگى لەگەڵ لایەنە پەیوەندیدارەکان لە هەرێمى کوردستان پرسەکە چارەسەر بکات و نەگاتە ئەوەى هێز بنێردرێت.

بەگوێرەى زانیارییەکان، عەلى زەیدى، لەم هەڵمەتەدا پاڵپشتیی تەواوى ئەمریکاى هەیە.

هەر لەبارەى کۆبوونەوەى بارزانى و فالح فەیاز، بارەگاى بارزانى ڕاگەیەنراوێکى بڵاوکردووەتەوە و ئاماژەى بەوەکردووە، بارزانى و فەیاز گفتوگۆیان لەبارەى بارودۆخى سیاسى و دوایین پێشهاتەکانى عێراق و ناوچەکە کردووە، لەبارەى پەیوەندییەکانى هەردوو حکومەت جەختیانکردووەتەوە لەوەى کێشەکان لە چوارچێوەى دەستوور قابیلى چارەسەرن و پێویستە دەستوور پێوەر و بنەماى سەرەکى بێت بۆ تێپەڕاندن و نەهێشتنى ناکۆکییەکانى نێوان هەردوولا.

زانیاریی زیاتر بۆ تۆ

حەیدەر عەبودی: پاراستنی بۆرییەکانی نەوت هەموو ناوچەکان دەگرێتەوە

Loading related news...