پووختەی هەواڵەکە

• پەیڕەوکردنی ڕێجیمی خۆراکی تەندروست و وەرزشکردن یەکێکە لە ڕێگە سەرەکییەکانی چارەسەرکردنی شەکرەی جۆری دوو.

• ئەو چارەخوازانەی لە تەمەنێکی زۆر گەنجیدا تووشی شەکرەی جۆری دوو دەبن، درەنگتر چاک دەبنەوە و زووتر تووشی ئاڵۆزییەکانی شەکرەش دەبن.

شەکرەی جۆری دوو کاتێک ڕوودەدات جەستە نەتوانێت بڕی پێویستی هۆڕمۆنی ئینسۆلین بەکاربهێنێت، بەمەش ئاستی شەکر لە خوێندا بە ڕێژەیەکی بەرچاو بەرز دەبێتەوە و زیان بە تەندروستیی چاو، گورچیلە و دەمارەکان دەگەیەنێت.

چەند ئامارێکی فیدراسیۆنی نێودەوڵەتیی شەکرە لەسەر شەکرەی جۆری دوو

• نزیکەی %10ـی دانیشتوانی جیهان تووشبووی شەکرەی جۆری دوون.

• نزیکەی 580 ملیۆن لە جیهاندا تووشی نەخۆشیی شەکرە بوون.

• شەکرەی جۆری دوو نزیکەی %90ـی تووشبووانی شەکرە پێکدەهێنێت.

ئامارەکانی تووشبوون بە شەکرە لە عێراق بە پێی فیدراسیۆنی نێودەوڵەتیی شەکرە

• نزیکەی سێ ملیۆن کەس شەکرەیان هەیە.

• نزیکەی %15 ـی دانیشتووان تووشی شەکرە بوون.

• زۆربەی تووشبووانی شەکرە لە عێراق تەمەنیان لە نێوان 20 بۆ 79 ساڵاندایە.

چارەسەرە باوەکانی شەکرەی جۆری دوو

• پەیڕەوکردنی ڕێجیمی خۆراکی تەندروست.

• ئەنجامدانی چالاکیی جەستەیی.

• کەمکردنەوەی کێشی زیادەی جەستە.

• بەکارهێنانی دەرمان لە ژێر چاودێریی پزیشکی پسپۆردا.

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

جۆرێکی نوێی چارەسەر بۆ تووشبووانی شەکرەی جۆری دوو | CHANNEL8