پووختەى هەواڵەکە

• فراکسیۆنی تورکمان (سلێمانی): جەخت لە هەڵوێستی سیاسیی جێگیری خۆمان دەکەینەوە.

• فراکسیۆنی تورکمان (سلێمانی): پەرلەمان ئامڕازێک نییە بۆ سەپاندنى ویستى حیزبى.

  ---

نەجدەت نورى، سەرۆکى فراکسیۆنى تورکمان (سلێمانى)، ڕاگەیێنراوێکى لە بارەى کۆبوونەوەى پەرلەمانى کوردستان بڵاوکردەوە و ڕایگەیاند، ئەوان وەک فراکسیۆنى تورکمان (سلێمانى) لە پەرلەمانى کوردستان، جەخت لەسەر هەڵوێستی سیاسیی جێگیری خۆمان دەکەینەوە لە ڕەتکردنەوەی بەشداری لە دانیشتنە پەرلەمانییەکەی بانگهێشتکراو لە لایەن پارتی دیموکراتی کوردستان.

ناوەڕۆکى ڕاگەیێنراوى فراکسیۆنەکە:

• ئەم هەڵوێستە لەو باوەڕەوە سەرچاوە دەگرێت کە پەرلەمان دامەزراوەیەکی دەستوورییە.

• نوێنەرایەتی هەموو هاونیشتمانییانى هەرێم دەکات.

• نەک ئامڕازێک بێ بۆ سەپاندنی ویستی حیزبی.

• یان بەهێزکردنی هەژموونی لایەنێکی سیاسیی دیاریکراو.

• هاوپشتیی تەواوی خۆمان لەگەڵ هاوپەیمانان و هاوڕێیانمان لە یەکێتیی نیشتمانیی کوردستان دەردەبڕین.

ئەوە لە کاتێکدایە، هەریەک لە فراکسیۆنەکانى یەکێتى و یەکگرتوو و ڕەوتى هەڵوێست و بابلیون و نەوەى نوێ، بڕیاریانداوە بەشدارى لەو کۆبوونەوەیە نەکەن، کە پارتى دیموکراتى کوردستان بانگەوازى بۆ کردووە و سەرجەمیان ئەو هەوڵە بە تێکدانى شەراکەتى ڕاستەقینە و یەکڕیزیی لایەنە سیاسییەکان ناوزەندى دەکەن.