پووختەى هەواڵ

• هەوڵى نێوەندگیرەکان و دانوستانى ناڕاستەوخۆ نەیانتوانیوە ئێران و ئەمریکا یەکبخەن.

• ئێران چەندین مەرجى بۆ ڕێککەوتن هەیە و ئەمریکاش ئامادەنییە مەرجەکان جێبەجێ بکات و ئەویش مەرجى هەیە.

• موحسین ڕەزایى بە یەکێک لە ڕووخسارە دیارەکانى ناوەندى بڕیارى ئێران دادەنرێت.

• جەى دى ڤانس بەوە ناسراوە کە دەیەوێت جەنگى ئیران کۆتایى بێت و بە زیانى کۆمارییەکانى دەزانێت.

بەرپرسانی ئەمریکا بە ڕۆژنامەی وۆڵ ستریت جۆرناڵیان ڕاگەیاندووە، جەی دی ڤانس جێگری سەرۆکی ئەمریکا بیر لە دانوستانی ڕاستەوخۆ و ڕووبەڕوو لەگەڵ موحسین ڕەزایی ئەمینداری ئەنجوومەنی باڵای ئاسایشی نەتەوەیی ئێران دەکاتەوە.

ڕۆڵى جەى دى ڤانس

• لەم دواییانەدا وەک دانوستانکارێکی سەرەکی لەگەڵ ئێران دەرکەوت.

• هەوڵی کۆتایی هێنان بە جەنگێک دەدات کە بووەتە بەرپرسیارێتییەک بۆ پارتی کۆماری.

• بەهۆیەوە لە هەڵبژاردنەکانی ئەم دواییەی نیوەخولدا زیانێکی بەرچاوی بەرکەوتووە.

بەرپرسانی ئەمریکا و ڕۆژهەڵاتی ناوەڕاست:

• دۆناڵد ترەمپ لە چەند ڕۆژی ڕابردوودا بە یاریدەدەرە باڵاکانی ڕاگەیاندووە کە کراوەیە بۆ ئەوەی ڤانس دانوستان لەگەڵ ئێران دەستپێبکاتەوە و ئەرکی دانوستانی پێسپێردراوە.

• گفتوگۆکان سەبارەت بە ناردنی ڤانس بۆ دیدارى ڕاستەوخۆ لەگەڵ بەرپرسانی ئێران هێشتا لە قۆناغی سەرەتاییدایە.

پێشتر نامەى بۆ ڕەزایى ناردووە

• مانگی تشرینى یەکەمى ڕابردوو، ڤانس نامەیەکی بۆ ڕەزایی نارد و داوای کۆبوونەوەی کرد.

• لە کاتێکدا تاوەکو ئێستا هیچ وادەیەک دیارینەکراوە، بەڵام هەردوو وڵات لە ڕێگەی نێوەندگیر و هاوپەیمانانەوە پەیام ئاڵوگۆڕ دەکەن.

• کۆبوونەوەی ڕاستەوخۆی جێگری ترەمپ و بەرپرسانی باڵای ئەمنی ئێران شتێکی باو نییە، بەڵام خواستى ڤانس بۆ کۆتاییهێنان بە جەنگ پیشان دەدات، کە لە 28ـی شوباتەوە دەستیپێکردووە.

ڕۆژنامەی وۆڵ ستریت جۆرناڵ لە زاری بەرپرسانی ئەمریکا:

ڤانس لەم دواییانەدا ڕۆڵێکی چالاکتری لە دیپلۆماسی لەگەڵ ئێران بینیوە لە چاو ستیڤ ویتکۆف و جارێد کوشنەر، نوێنەرانی واشنتن کە هاوکات دانوستان دەکەن بۆ کۆتاییهێنان بە شەڕی نێوان ڕووسیا و ئۆکرانیا.

ڤانس لەم دواییانەدا بە ئاشکرا ڕایگەیاند کە شەڕی ئێران بەشداری کردووە لە ئەنجامى کارەساتبارانەی کۆمارییەکان لە هەڵبژاردنەکانی نیوەخولدا.

زانیاریى زیاتر بۆ تۆ:

موحسین ڕەزایی: ڕازی نابین تەنانەت یەک ئەتۆمیش لە یۆرانیۆمی پیتێنراو بچێتە دەرەوە

قەتەر : پێشکەوتن لە دانوستانەکانی نێوان ئەمریکا و ئێران بەدەستهاتووە

دوو بەرپرسى باڵاى ئێران ئامۆژگارى ئەمریکا دەکەن: کاتی خۆبەدەستەوەدانە