پووختەی هەواڵەکە

• دەستنیشانکردن بە شێرپەنجەی کۆڵۆن و ڕێکە لە گەنجاندا زیادی کردووە

• لە توێژینەوەیەکی نوێدا گرێکانی شێرپەنجەی کۆڵۆن و ڕێکە لە 189 کەسدا هەڵسەنگاندنی بۆکراوە, بە پێی ئەنجامەکان، گرێکانی شێرپەنجەکە لە پێگەیشتوان و کەسانی گەنجدا جیاواز بوون

• بەهۆی جیاوازیی گرێکانەوە جۆری چارەسەرەکانی شێرپەنجەی کۆڵۆن و ڕێکەش جیاواز دەبن

بەپێی داتاکانی ڕێکخراوی تەندروستیی جیهانی، شێرپەنجەی کۆڵۆن و ڕێکە سێیەم باوترین جۆری شێرپەنجەیە لە جیهاندا، پێشبینی دەکرێت ژمارەی دەستنیشانکردن بە شێرپەنجەی کۆڵۆن و ڕێکە بۆ زیاتر لە دوو ملیۆن کەیسی ساڵانە زیاد بکات، زۆرترین ڕێژەی دەستنیشانکردن بە شێرپەنجەی کۆڵۆن و ڕێکە لە وڵاتانی ئەوروپا تۆمار کراوە.

وردەکاریی و ئەنجامەکانی توێژینەوەکە

• لە توێژینەوەکەدا هەڵسەنگاندن بۆ گرێکانی شێرپەنجەی کۆڵۆن و ڕێکەی 50 کەسی خوار تەمەن 50 ساڵان کراوە، ژمارەی گرێکان 189 گرێ بوون

• بەپێی ئەنجامی توێژینەوەکە گرێکانی شێرپەنجەی کۆڵۆن و ڕێکە کۆمەڵێک پێکهاتە دەردەدەن، ئەمەش دەبێتەهۆی لاوازکردنی سیستمی بەرگریی جەستەی چارەخوازەکە و جەستەی چارەخوازەکە ناتوانێت وەکو پێویست دژی شێرپەنجەکە بەرگریی لە خۆی بکات

• بەپێی داتاکانی کۆمەڵەی شێرپەنجەی ئەمریکی، ساڵانە دەستنیشانکردنی شێرپەنجەی کۆڵۆن و ڕێکە، لە کەسانی خوار تەمەن 50 ساڵان بە ڕێژەی %3 زیاد دەکات

نیشانەکانی شێرپەنجەی کۆڵۆن و ڕێکە

• هەستکردن بە ماندووبوون

• بوونی خوێن لە کۆمەوە

• سکچوون

• قەبزی

• ئازار و باکردنی سک

• دابەزینی کێشی جەستەی بێ هۆکار

کۆمەڵێک داتا سەبارەت بە دەستنیشانکردنی شێرپەنجە لە گەنجاندا بە پێی ئەنجامەکانی توێژینەوەیەک

• ساڵانە نزیکەی یەک ملیۆن کەسی گەنج بە شێرپەنجە دەستنیشان دەکرێن

• لە نێوان ساڵانی 1990-2019 ڕێژەی دەستنیشانکردن بە شێرپەنجە %79 زیادی کردووە

• لە ساڵی 2022 ـدا نزیکەی ملیۆنێک و 200 هەزار کەسی تەمەن نێوان 20-40 ساڵان بە شێرپەنجە دەستنیشانکراون

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

توێژینەوەیەک لە بەریتانیا: دەستنیشانکردن بە شێرپەنجە لە گەنجاندا زیادی کردووە | CHANNEL8