ئەمریکا و چین و ڕووسیا بۆ یەکەمجار پێکەوە لە شەنجێن کۆدەبنەوە.
شەنجێن ناوەندی گەشپێدانی تەکنەلۆجیای جیهانییە.
بەبەرزترین ئاستی تەکنەلۆجی لە شەنجێن پێشوازی لە سەرکردەکانی جیهان دەکرێت.
باشترین کۆمپانیاکانی تەکنەلۆجی لە شەنجێنن.
شەنجێن، ئەو شارەی بەهۆی میوانداریکردنی سەرکردە هەر دیارەکانی جیهان، ناوی چووەتە ڕۆژەڤەوە. ئەو شارەی بۆ یەکەمجار سەرکردەی سێ وڵاتی گەورەی جیهانی دەخاتە سەر یەک مێز و لە لووتکەیەکی دەگمەندا باس لە ئاسایشی جیهانی دەکەن.
لەم شارەدا تەکنەلۆجیا لە ئاستێکی سەرسوڕهێنەردایە.
لێرە شۆفێر بوونی نییە و ئۆتۆمبێلەکان خۆیان دەجوڵێن.
ڕۆبۆتیش لە مارکێتەکان یارمەتی خەڵکی دەدات و لە شەقامەکانیش ئاسایش دەپارێزێت.
ئەم شارەی چین ناوەندی گەشەپێدانی تەکنەلۆجیایە.
بەشی زۆری پێشکەوتنەکان لە بواری ژیریی دەستکرد و ڕۆبۆتیکەوە لەم شارەوە سەرچاوە دەگرێت و دوای بە جیهان بڵاودەبێتەوە.
زیاتر لە حەوت هەزار وەرگێڕی ژیریی دەستکرد بۆ میوانەکان ئامادەکراون.
کە تاوەکو 100 هەزار زمان وەرگێڕان دەکەن.
هۆتێل و هۆکارەکانی گواستنەوە لە خزمەت میوانەکانن.
تەنانەت رۆبۆتی پۆلیسیش ئێستا لەسەر شەقامەکانن بۆ پاراستنی ئاسایشی شەنجێن.
شەنجێن بە سەنتەری تەکنەلۆجیاکانی چین دادەنرێن.
ئۆفیسی سەرەکی باشترین کۆمپانیاکانی وڵاتەکە وەک کۆمپانیای هواوی، بی وای دی و کۆمپانیاکانی دیکەی ئینتەرنێت و گەیمینگ لەم شارەیە.
ئێستا شەنجێن سەرنجی جیهانی بۆ لای خۆی ڕاکێشاوە.
میوانداری سەرکردەی 21 وڵاتی ئەندام دەکات لە ئەپێک.
میوانداری هەر یەک لە ترەمپ و پوتنیش دەکات و لە لووتکەیەک لەگەڵ سەرۆکی وڵاتی خۆیان کۆیان دەکاتەوە.
ئەم کۆبوونەوەیە لە کاتێکدایە، لە بنەڕەتدا چین و ئەمریکا کێبڕکێی بەدەستهێنانی باڵادەستی لە سێکتەری تەکنەلۆجیا و ژیریی دەستکرد دەکەن، بۆیە بە بەرزترین ئاستی تەکنەلۆجی پێشوازی لە کێبڕکێکاران دەکەن.
ئێستاش لەگەڵ بەڕێوەچوونی لووتکەکە دەسەڵاتدارانی وڵاتەکە ئامادەکاریی تەواویان کردووە، ژیریی دەستکرد و تەکنەلۆجیا دیجیتاڵەکان لە خزمەت لوتکەکە بەکاردەهێنرێن.
