بەشێک بووە لە کارنامەی کابینەکانی حەوتەم، هەشتەم و نۆیەمی حکومەتی هەرێمی کوردستان.
بەهۆى جێبەجێنەکردنییەوە ناهاوسەنگى لە پڕۆژە خزمەتگوزارییەکان درووستبووە.
لامەرکەزییەت، بە درێژایی نزیکەی 17 ساڵی ڕابردوو، نەک هەر بە تەواوی جێبەجێ نەکراوە، بەڵکو وردە وردە ئەوەی هەشبووە قۆرخکراوە و خراوەتە دەستى یەک کەسەوە.
بەهۆی جێبەجێنەکردنی لامەرکەزییەتەوە، ناهاوسەنگی لە پڕۆژە خزمەتگوزارییەکانی ناوچە جیاوازەکانی کوردستاندا درووستبووە.
لە خولەکانی سێیەم، چوارەم و پێنجەمی پەرلەمان، نزیکەی 230 پەرلەمانتار پشتیوانییان لە لامەرکەزییەت کردووە.
هیچ کام لە کابینە یەک لە دوای یەکەکان ئەم سیستمەیان جێبەجێ نەکردووە.
ئەوەش بووەتە هۆی دروستبوونی جیاکاری لە پێشکەشکردنی خزمەتگوزارییەکان.
لە ساڵی 2003ـەوە بناغەی یاسایی بۆ سیستمی لامەرکەزییەتی کارگێڕی و دارایی دانراوە.
ئەنجومەنی پارێزگاکان، ئەنجومەنی شارەوانییەکان و ئیدارە سەربەخۆکان بەشێکن لەم سیستمە.
ڕۆژ دوای ڕۆژ بە شێوەی کرداری پشتگوێ خراون و ڕۆڵیان بە تەواوی لاواز کراوە.
بە گوتەی پسپۆڕانی کارگێڕی و یاسایی، سیستمی لامەرکەزییەت شۆڕکردنەوەی دەسەڵاتەکانە بۆ فەرمانگەکان و ئیدارەکان.
ئەمەش وادەکات دەسەڵات و بڕیاردان لە تاکڕەوی و ناوەندگەراییەوە بەسەر شار و ناوچە جیاوازەکاندا دابەش بکات؛ کە دەبێتەهۆى کەمبوونەوەى ڕۆتینى ڕۆژانە و گەیاندنی خزمەتگوزارییەکان بە شێوەیەکی یەکسان و دادپەروەر بەسەر سەرجەم شارەکان و هاونیشتمانیان.

