لیژنەیەکى دادوەرى بۆ لێکۆڵینەوە لە بەقاچاخبردنى نەوت دەچێتە جورفولسەخر

 شارۆچکەى جورفولسەخر
شارۆچکەى جورفولسەخر

پووختەى هەواڵەکە

  • لیژنەکە پشکنین بۆ شوێنەکە ئەنجام دەدات.

  • لیژنەکە سەرپێچییەکانى دەستنیشان دەکات.


بە گوێرەى هەواڵێکى ئاژانسى هەواڵى عێراقى، لیژنەیەکى دادوەری بە هاوەڵى لیژنەیەکى حکومی سەردانى شارۆچکەى جورفولسەخر لە پارێزگاى بابل دەکات لە بارەى دۆسییەى بە قاچاخبردنى نەوت و هاوکات پشکنین بۆ شوێنەکە ئەنجام دەدات و سەرپێچییەکان دەستنیشان دەکات.


سەردانەکە لە کاتێکدایە

  • عەلى زەیدى، سەرۆکوەزیران و فەرماندەى گشتیی هێزە چەکدارەکانى عێراق سەرۆکایەتى کۆبوونەوەیەکى ئەمنى بەپەلەى کرد.

  • کە تایبەت بوو بە خستنەڕووى ئەنجامى ڕاپۆرتى ئەو لیژنەیەى بۆ لێکۆڵینەوە لە دۆسیەى بە قاچاخبردنى نەوت لە ناوچەى جورفولسەخر، ڕاسپێردرابوو.

  • لە کۆبوونەوە ئەمنییەکەدا سەرۆکوەزیران بڕیاریدا ئەوانەى لە پڕۆسەى بە قاچاخبردنى نەوت لە شارۆچکەکە تێوە گلاون ڕووبەڕووى دادگا بکرێنەوە.

  • لەگەڵ گرتنەبەرى ڕێکاریى یاسایى دژیان.

  • هەروەها بڕیاریدا بە دوورخستنەوەى نۆ بەرپرسى ئەمنى و کارگێرى لە پارێزگاى بابل لە پۆستەکانیان.

  • لە نێویاندا فەرماندەى پۆلیسى بابل.

  • فەرماندە و بەڕێوەبەرى دەزگا ئەمنى و هەواڵگرییەکانى پارێزگاى بابل.

  • ئامر لیواى شەشى پۆلیسى وزە.

  • بەڕێوەبەرى کۆمپانیاى هێڵەکانى نەوتى تیادا بوو.

بە مەبەستی بەدواداچوون بۆ پرسی بە قاچاخبردنی نەوت، شەوی ڕابردوو هەیبەت حەلبوسى سەرۆكی ئەنجوومەنی نوێنەران، بە ئامادەبوونى وەزیرانی ناوخۆ و بەرگریی عێراق لەگەڵ ئەو لیژنەیە كۆبووەوە کە چوونەتە جورفولسەخر و ڕاپۆرتى تایبەت بە سەردانەکە خرایەڕوو.

ئەمە سێیەمین کۆبوونەوەی لیژنەکە بووە، کە بە گوێرەی فەرمانی پەرلەمانیی ژمارە 198 پێکهێنراوە و چوونەتە جورفولسەخر.

زانیاریی زیاتر بۆ تۆ:

عەبودى: بەرهەمى نەوتى هەرێمى کوردستان لەوە زیاترە کە خۆیان ئاماژەى پێ دەکەن

زەیدی گەیشتە نەجەف و کۆبوونەوەی ئەنجوومەنی وەزیران لەو پارێزگایە بەڕێوەدەبات

شۆڕش محەمەد

Tue Nov 17 2026

Loading related news...