پووختەى هەواڵەکە

• دوو کۆمپانیا لە پشت بردنى ئەو بڕە پارەیەوە بوون.

• لە ڕێگەى حەواڵەکردنى پارە بۆ دەرەوەى وڵات براوە.

  ---

ئەنجوومەنى باڵاى دادوەریى عێراق، لە ڕاگەیێنراوێکدا دەڵێت، ئەمڕۆ یەکشەممە 1ـى تشرینی دووەمی 2026، دادگای لێکۆڵینەوەی دووەمى کەرخ، بڕی 21 ملیار و 424 ملیۆن دیناری عێراقی لە تاوانێکی ساختەکاریی دارایی گەڕاندووەتەوە بۆ خەزێنەى گشتیی دەوڵەت.

پارەکە چۆن براوە و چۆن بەدەستهێنراوەتەوە

• ئەم بڕە پارەیە لە دوو کۆمپانیای سەرپێچیکاری یاسا وەرگیراوەتەوە.

• لە ڕێگەی پڕۆسەی حەواڵەکردنی پارە بۆ دەرەوەی وڵات.

• لە جیاوازیی نرخی ئاڵوگۆڕی دۆلار بە دەستهاتبوو.

• بە سەرپەرشتی دادگای لێکۆڵینەوەی کەرخ توانراوە ئەم بڕە پارەیە بگەڕێنرێتەوە بۆ خەزێنەى گشتی.

ئەنجوومەنى باڵاى دادوەری عێراق، سێ چەکى بانکیى داناوە کە بە بڕى جیاواز کارەکە ئەنجامدراوە و چەکى یەکەم 10 ملیار و 643 ملیۆن دینار و چەکى دووەم نۆ ملیار و 980 ملیۆن دینار و چەکى سێیەم 800 ملیۆن و 721 هەزار دینار بووە و بە کۆى گشتى 21 ملیار و 424 ملیۆن دینار دەکات.

زانیاریی زیاتر بۆ تۆ:

لێکۆڵینەوە لە دۆسیەکەى عەدنان جومەیلی بەردەوامە

موسەننا سامەڕائی بە شەش ساڵ زیندانیکردن سزادرا