پووختەی هەواڵەکە

• بەهۆی لافاوەوە فەرمانگە خزمەتگوزارییەکانى کەرکووک خرانە حاڵەتى ئامادەباشییەوە

• ڕێبوار تەها: فەرمانگە خزمەتگوزارییەکانم ڕاسپاردووە بگەڕێنەوە سەر کارەکانیان

جێگرى پارێزگارى کەرکووک، بەهۆى ناسەقامگیرى کەشوهەوا و بارانی بەلێزمە، فەرمانگە خزمەتگوزارییەکانى ڕاسپاردووە بگەڕێنەوە سەر کارەکانیان و لە هەرشوێنێک ئاو پەنگی خواردبووەوە یان لافاو دروستبوو، بەهاناى هاوڵاتییانەوە بچن.

شەپۆلێکی بارانی بە خوڕ

• ڕێبوار تەها، جێگرى پارێزگارى کەرکووک ڕایگەیاندووە، بەهۆى بارانبارینى بەلێزمە و لەپێناو خزمەتکردنى هاوڵاتییانى کەرکووک، لیژنەى کارەسات و ڕووداوە سرووشتییەکان، بەتایبەت فەرمانگە خزمەتگوزارییەکانى ڕاسپاردووە پەیوەندیی بە شوێنى کارەکانیان بکەن.

• فەرمان بە تیمەکان کراوە بگەنە ئەو شوێنانەى ئاو تێیاندا پەنگی خواردووەتەوە یاخود لافاو دروستبووە.

• فەرماندەیی ئۆپراسیۆنەکانى کەرکووک سەرجەم ئەندامانى فەرماندەییەکەى ڕاسپاردووە هاوکاریی فەرمانگە خزمەتگوزارییەکان بکەن لە گەیاندنى خزمەتگوزاریى پێویست بۆ ئەو گوند و ناوچانەى زیانیان بەرکەوتووە.

ئێوارەى ئەمڕۆ شەپۆلێکى بەهێزى بارانبارین پارێزگاى کەرکووک و هەولێرى گرتنەوە و لەچەند ناوچەیەک لافاو دروستبوو و زیان بەڕێگاى چەند گوندێک و بەشێکى ڕێگا گشتییەکان کەوت.

زانیاریی زیاتر بۆ تۆ

لافاو ڕێگەى نێوان کەرکووک بەغداد دادەخات