پووختەى هەواڵ

• سەرۆكی ئاژانسی پاراستن و زانیاری / زانیاری بەشدارى لە پانێڵێکدا کرد.

• قسەى لەسەر دۆخى ناوچەکە و هەوڵەکانى دەزگاکەى بۆ بەرقەرارکردنى ئاسایش کرد.

• فەراهەمکردنى ئاسایشى وەک ئەركێكی هاوبەش ناوبرد و جەختى لە هەماهەنگیى نێوان وڵاتان کردەوە.

جەلال شێخ ناجی، سەرۆكی ئاژانسی پاراستن و زانیاری / زانیاری، لە پەراوێزی بەشداری لە دیالۆگی مەنامە (IISS Manama Dialogue) كە لە بەحرەین بەڕێوەدەچێت، لە سێهەمین ڕۆژی کۆڕبەندەکەدا، چەندین دیدار و كۆبوونەوەی لەسەر ئاستی باڵای هەواڵگری و ئەمنی کرد.

جەلال شێخ ناجی، لە پانێڵێكدا لە بارەی ڕێگاكانی چەسپاندنی ئاسایش و سەقامگیری لە ڕۆژهەڵاتی ناوەڕاست:

• بەبێ لێكتێگەیشتن و دیالۆگی بەرپرسیارانە، ناتوانین ئاسایش و ئارامی لەناوچەكەدا بەرقەرار بكەین.

• ئەم هەلومەرجەش كە هاتووەتە پێش، ئەرك و بەرپرسیارێتی هەموولایەك زیاتر دەكات كە پێكەوە كاربكەین لەپێناو ئاسایشی ڕۆژهەڵاتی ناوەڕاستدا .

• ئاسایشى ناوچەكە و جیهان ئەركێكی هاوبەشە.

• ڕووداو و تەنگژەكانی ئەم دواییەش دەریخست، هیچ وڵاتێك بە تەنیا ناتوانێت لە ڕێی سەپاندنی ستراتیجی خۆیەوە، ئاسایش وڵاتی خۆی یان هیچ ناوچەیەك لە جیهاندا بپارێزێت.

• بە هەماهەنگیی دەتوانین بە ئاسانی زاڵببین بەسەر ئاڵنگارییەكاندا و نەهێڵین لە هیچ دۆخێكدا ئاسایش وڵاتەكانمان بكەوێتە مەترسییەوە .

"پەیوەندییەکانمان بۆ خزمەتى ناوچەکەیە"

جەلال شێخ ناجی، بۆ ئامادەبووانى ڕوونکردەوە، پەیوەندییە هەواڵگریی و ئەمنییەكانیان لە بەرژەوەندی هەرێمى کوردستان، عێراق و سەقامگیری وڵات خستووەتە كار، نەیانهێشتووە خاكەكەیان دژی هیچ لایەنێك بەكاربهێنرێت.

گوتیشى "كار دەكەین تاوەکو پێكەوە ئارامی ناوچەكە و ئاسایشی نیشتمانی بپارێزین و بەكەمترین زیان، ئاڵنگارییەکانى ئەم قۆناغە تێپەڕێنین".

زانیاریى زیاتر بۆ تۆ:

سەرۆکی ئاژانسی پاراستن و زانیاری/زانیارى بەشداری لە دیالۆگى مەنامە کرد