پووختەى هەواڵ

• دەزگاى ئاسایشى هەرێمى کوردستان هەڵمەتى نەهێشتنى مەترسییەکانى ماددەى هۆشبەرى لە گەرمیان ڕاگەیاند

• دەزگاى ئاسایش نەیهێشتووە هەرێمى کوردستان ببێتە شوێنى گواستنەوەى ماددەى هۆشبەر

• کارزان شێرکۆ: لە سەرجەم ناوچەکانى هەرێمى کوردستان بەکارهێنەرى ماددەى هۆشبەر لە ڕەگەزى مێ هەیە

کارزان شێرکۆ، گوتەبێژی دەزگای ئاسایشی هەرێمی کوردستان لە کۆنفرانسێکى ڕۆژنامەوانیدا ڕایگەیاند، دەزگاکەیان هەڵمەتى نەهێشتنى مەترسییەکانى ماددەى هۆشبەر، هزرى تووندڕەوى و بەهێزکردنى کولتوورى پێکەوەژیانى لە سنوورى ئیدارەى گەرمیان ڕاگەیاند.

کارزان شێرکۆ، گوتەبێژی دەزگای ئاسایشی هەرێمی کوردستان:

• ڕاگیراوانى ماددەى هۆشبەر بەراورد بەساڵى ڕابردوو کەمیکردووە،.

• بەڵام لەسەر بابەتى تیرۆر ئامارەکە زیادیکرووە.

• بەگوێرەى ئامارەکە ساڵى 2025، 248 ڕاگیراوى تیرۆر تۆمارکراوە، بەڵام تەنیا لە 10 مانگى ئەمساڵدا 260 ڕاگیراوى تیرۆر هەبووە.

• زۆر بەکەمى بازرگانى ڕەگەزى مێى ماددەى هۆشبەر لە هەرێمى کوردستان هەیە.

• بەڵام بەکارهێنەرى مێ لەسەرجەم ناوچەکانى هەرێمى کوردستان هەیە.

لەبارەى ڕێکارەکانى بەرەنگاربوونەوەى ماددەى هۆشبەر لە ناوچە سنوورییەکان، گوتەبێژی دەزگای ئاسایش گوتى "بەگوێرەى پلانێکى تۆکمەى دەزگاى ئاسایش توانیویانە ببنە پارێزەرى وڵاتانى دراوسێ و ڕێگەنەدەن هەرێمى کوردستان ببێتە شوێنى گواستنەوەى ماددەى هۆشبەر".

زانیاریى زیاتر بۆ تۆ:

جەلال شێخ ناجی لە کۆڕبەندى مەنامە: نەمانهێشتووە خاكەكەمان دژی هیچ لایەنێك بەكاربهێنرێت