پووختەى هەواڵەکە

• لە باکوورى کوردستان و تورکیا ئازادکردنی 90 زیندانیکراوی کورد دواخراوە.

• زیندانیکراوێک زیاتر لە 33 ساڵە لە زینداندایە و هەشت جار ئازادکردنی دواخراوە.

  ---

لە ماوەی چوار دەیەی ڕابردوودا لە باکووری کوردستان و تورکیا، سەدان کەس لەسەر دۆسیەی پەکەکە – کەجەکە دەستگیرکران و بە تۆمەتی هەوڵدان بۆ جیاکردنەوەی بەشێک لە خاکی تورکیا، سزای زیندانیکردنی هەمیشەیی و زیندانیکردنی هەمیشەیی قورسکراویان بەسەردا سەپێنرا.

ماوەى زیندانییەکان و بێباکى دەسەڵاتدارانى تورکیا

• بەشێک لەو زیندانیکراوانە ماوەی زیندانیکردنیان کە 30 ساڵە تەواوکردووە.

• لە لایەن ئیدارەی زیندانەکانەوە ئازادکردنیان ڕەتدەکرێتەوە.

• لە ماوەی سێ مانگی ڕابردوودا، 90 زیندانیکراو سەرەڕای تەواوبوونی ماوەی زیندانیکردنیان، ئازادکردنیان دواخراوە.

• واتە هەموو ڕۆژێک ئازادکردنی زیندانیکراوێک دوادەخرێت.

• یەکێک لەو کەسانەی ماوەی 33 ساڵ و شەس مانگە لە زینداندایە، کەیسەکەی سیاسییە.

• تاوەکو ئێستا هەشت جار ئازادکردنی دواخراوە.

ئەو کەسانەی بە زیندانیکردنی هەمیشەیی لە زینداندان، لەسەر دۆسییەی پەکەکە و بە تۆمەتی "جیاکاری، دابەشکردنی خاکی تورکیا و دابڕینی بەشێک لە خاکی تورکیا"، لە لایەن دادگای ئاسایشی دەوڵەتەوە سزادراون. زۆربەی ئەو کەسانەی ئێستا لە زیندانن و بە هەمیشەیی سزادراون، لە ناوەڕاستی نەوەدەکانی سەدەی ڕابردوو، دەستگیر کران و سزادراون.

زانیاریی زیاتر بۆ تۆ:

تەڤگەری ئازادی: بەبێ ئازادیی جەستەیی ئۆجەلان هیچ پڕۆسەیەکی ئاشتی سەرناگرێت

وەیسی ئاکتاش لە زیندانی ئیمراڵی ئازادکرا