پووختەى هەواڵەکە

• کەناڵ8 زانیاری لەسەر کوشتنى کیژان بورهان بڵاودەکاتەوە.

• باوکى کیژان بورهان لە لێکۆڵینەوەکان: نەمویستووە کچەکەم بکوژم.

• تاوەکو ئێستا لە دۆسیەى کوشتنى کیژان بورهان تەنیا باوکى دەستگیرکراوە.

  ---

بە گوێرەى زانیارییە بەدەستهاتووەکان، تاوەکو ئێستا لە دۆسیەى کوشتنى کیژان بورهان، تەنیا باوکى دەستگیرکراوە، بەڵام لێکۆڵینەوەکان بەردەوامن و بڕیارە لە چەند ڕۆژى داهاتوو پاش تەواوبوونى ڕێکارەکانى لێکۆڵینەوە دەزگا ئەمنییەکان ڕوونکردنەوە لە بارەى دۆسیەکە بڵاوبکەنەوە.

دۆسیەى کوشتنى کیژان بورهان

• باوکى کیژان: من بە ئامانجى کوشتن تەقەم لە کچەکەم نەکردووە.

• تاوەکو ئێستا لە دۆسیەى کوشتنى کیژان بورهان تەنیا باوکى دەستگیرکراوە.

• بەرەبەیانى 20ـى تشرینى یەکەم کچێک لە سلێمانى بەناوى کیژان بورهان لەلایەن باوکیەوە بەفیشەک بریندارکرا.

• دواى گواستنەوەى بۆ نەخۆشخانە و مانەوەى چەند کاتژمێرێک بە بریندارى بەهۆى سەختى برینەکەى گیانیلەدەستدا.

ڕوونکردنەوەى کەناڵ8

هەرچەندە کەناڵ8 پێشتر ڕایگەیاندووە کەى ڕووماڵى هیچ ڕووداوێکى کوشتن و خۆکوشتن ناکات لە پێناو پاراستنى بارى دەروونى هاونیشتمانییان و ئاسایی نەبوونەوەى ئەو ڕووداوانە، بە هۆى جیاوازى ئەم کەیسە و ئەو دەنگۆیانەى لێى کەوتەوە بەدواداچوونى پیشەییانەى ڕۆژنامەوانیمان کردووە و بە گوێرەى ڕێنمایی دەزگا ئەمنییەکان زانیارییەک بڵاوناکەینەوە کە کاریگەریی لەسەر ڕەوتى لێکۆڵینەوەکان هەبێت.

زانیاریی زیاتر بۆ تۆ

ڕۆژانە لە باکووری کوردستان و تورکیا ژنێک دەکوژرێت