
هەنار دەوڵەمەندە بە پێکهاتەی دژەشێرپەنجە.
هەنار یارمەتیی کەمکردنەوەی هەڵمژینی شەکر دەدات .
هەنار یەکێکە لە میوە دەوڵەمەندەکان بە پێکهاتەی ڕیشاڵی و ڤیتامینەکان، پسپۆڕێکی هەناوی و شەکرە، سوودە تەندروستییەکانی هەنار دەخاتەڕوو.
هەنار دەوڵەمەندە بە پێکهاتەکانی پۆلیفینۆڵ و دژە ئۆکسیدانەکان، واتە هەنار دژەشێرپەنجەیە و یارمەتی پاراستنی خانەکانی جەستە دەدات.
هەنار تەندروستیی دڵ و خوێنبەرەکان بەهێز دەکات.
بە پێی ئەنجامی توێژینەوەکان خواردنەوەی ئاوی هەنار یارمەتیی کەمکردنەوەی ئاستی فشاری خوێن دەدات.
پێکهاتەی ڕیشاڵی ناو هەنار یارمەتیی باشترکردنی هەرس و کارکردنی ڕیخۆڵەکان دەدات.
هەنار دەوڵەمەندە بە پێکهاتەی ڤیتامین سی و سیستمی بەرگریی جەستە بەهێز دەکات.
هەنار یارمەتیی بەرهەمهێنانی کۆلاجینی پێست دەدات، کە گرنگە بۆ پاراستنی تەندروستیی پێست.
پێکهاتەی ڕیشاڵیی هەنار یارمەتی کەمکردنەوەی هەڵمژینی شەکر دەدات.
هەنار یارمەتیدەرە لە کەمکردنەوەی هەوکردنی جەستە.
د. داهات حەوێزی، سەبارەت بە خواردنی هەنار بۆ چارەخوازانی شەکرە دەڵێت:
هەنار بە بڕی گونجاو بخورێت، چونکە هەنار شەکری سروشتی تێدایە و دەکرێت زیادەڕۆییکردن لەخواردنی کاریگەریی لەسەر بەرزبوونەوەی ئاستی شەکری خوێن هەبێت.
باشترە هەنار بەتەواوی بخورێت، نەوەکو شەربەتەکەی، بۆ سوودوەرگرتنی تەواو لە پێکهاتە ڕیشاڵەکانی ناو هەنار.
شەربەتی هەناری شیرینکراو بە شەکری دەستکرد نەخورێت، چونکە شەکری خوێن بەرز دەکاتەوە.
بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن.
