پووختەى هەواڵ

• جارێکی دیکە قایمقامیێتی کەرکووک لەسەر دۆخی کارەبا و نرخی کارەبای مۆلیدە کۆدەبێتەوە.

• بەهۆى خراپى دۆخى کارەباوە کەرکووک دوو شەوى ئاڵۆزى بەڕێکرد.

• لیژنەیەک دروستدەکرێت بۆ زیاترکردنی پشکی کەرکووک لە کارەبا و گاز و بەنزین.

دوای خۆپیشاندانەکانی شەوی ڕابردووی کەرکووک کە لە 12 گەڕەک بەڕێوەچوو، پێش نیوەڕۆى ئەمڕۆ جارێکى دیکە خاوەن مۆلیدەکان گردبوونەوە، بڕیاریشە قایمقامیێتی کەرکووک و ئەنجوومەنی وەزیرانی عێراق تاوتوێی کێشەی کارەبا و نرخێکى نوێى ئەمپێرى کارەباى مۆلیدە ئەهلییەکان بکەن.

زانیارییەکانی پەیامنێری کەناڵ8:

• خاوەن مۆلیدەکان لەبەردەم قامیێتى کەرکووک گردبوونەوەتەوە.

• خاوەن مۆلیدەکان دیاریکردنى 13 هەزار دینار بۆ هەر ئەمپێرێک بە کەم دەزانن و دەڵێن لە زەرەردان.

• بڕیارە ئەمڕۆ لە قایمقامیێتی کەرکووک تاوتوێی باشترکردنی دۆخی کارەبا و نرخێک بۆ ئەمپێری مۆلیدە ئەهلییەکان دادەنێن.

• لە ئەنجوومەنی وەزیرانی عێراقیش دۆخی کارەبای کەرکووک و ناڕەزاییەکانی شەوی ڕابردوو تاوتوێ دەکرێن.

ئەرشەد ساڵحی ئەندامی ئەنجوومەنی نوێنەرانی عێراق:

• لەگەڵ موحسین مەندەلاوی جێگری سەرۆکوەزیران بۆ کاروباری وزە، وەزیرانی نەوت و کارەبا کۆبوومەتەوە.

• ڕێککەوتن کراوە کە داواکارییەکانی هاوڵاتییانى کەرکووک لە دانیشتنی ئەمڕۆی ئەنجوومەنی وەزیراندا بخرێنەڕوو.

• لیژنەیەک دروستدەکرێت بۆ تاوتوێکردنی دۆخەکە و زیادکردنی پشکی کەرکووک لە کارەبا و گاز و بەنزین.

ئەوە لە کاتێکدایە، شەوی ڕابردوو بۆ دووەم شەو لەسەر یەک، لە 12 گەڕەکی شاری کەرکووک لە دژی کەمیی کارەبای نیشتمانی و گرانی کارەبای مۆلیدە ئەهلییەکان خۆپیشاندان کرا و سوپای عێراقیش لەبەشێکی شەقامەکانی کەرکووک بڵاوەی پێکرا.

زانیاریى زیاتر بۆ تۆ:

محەممەد سەمعان: کە میوانێک دێت دەڵێن تۆ پارێزگار نیت کە قەیران هەیە دەڵێن تۆ پارێزگاریت

دیمەنى نوێ؛ لە کەرکووک خۆپیشاندانە و مۆلیدەکان کوژێنراونەتەوە